ТОҒ УСТИДАГИ ЙЎЛ

Ҳиндистонда мамлакатдаги энг баланд тоғусти автомобиль йўли қурилди. Ушбу йўл денгиз сатҳидан салкам 6 километр баландликдан ўтади.

НАВБАТДАГИ ЭНГ ИССИҚ ЙИЛ

2017 йил метеокузатувлар тарихидаги уч энг иссиқ йилдан бири бўлиши кутилмоқда. Бу ҳақда Бутунжаҳон метеорология ташкилоти ҳисоботига асосланиб  «Interfax» хабар тарқатди.

ОММАВИЙ ЭВАКУАЦИЯ

Шимолий Корея жанговар тайёргарликнинг янги босқичига ўтди. Ўтган ҳафтада бутун мамлакат бўйлаб электр токи ўчирилди ва аҳолини оммавий эвакуация қилиш машқи ўтказилди, дея хабар тарқатди lenta.ru.

«МОТАМ ДЕВОРИ»

«Миллат хотирасидан даҳшатли ўтмишни ўчириб бўлмайди. 1930 йиллардаги сиёсий репрессияни ҳеч нима билан оқлаб бўлмайди...»

СОФИЯМИ Ё САПИЯ?

Тадқиқотчи Лаура Ваттен дунёда энг кўп тарқалган аёл исмини аниқлашга муваффақ бўлди. РАА «Новости Украина» хабарида айтилишича, бу исм — ­София. У грек тилида донишманд маъносини англатади.

МИТТИГИНА «ШУМАХЕР»

Американинг Огайо штатида автомашинани олиб қочган ўн ёшли болакай ва унинг орқасидан қувган полиция ўртасидаги «пойга» салкам бир соатга чўзилди.

ОШҚОЗОНДАГИ «МИХҚОЗОН»

Ҳиндистонда жарроҳлар бемор ошқозонидан 600 дан зиёд мих чиқариб олди. Ушбу ғаройиб операция Калькуттадаги тиббиёт коллежларидан бирида ўтказилди, дея хабар тарқатди РАТА-ТАСС.

БУРУН ИЧИДА ТИШ

Хитойлик шифокорлар бурун бўшлиғида тиш ўсиб чиққан аёлда жарроҳлик амалиётини ўтказди, дея хабар тарқатди «Вести» нашри.

Бразилиянинг Сан-Паулу болалар шифохонаси ойналарини тозалаётган маҳаллий компания ишчилари бемор болаларга қувонч улашиш учун мультқаҳрамонлар кийимини кийиб олишди. Бу улар учун кутилмаган совға бўлди.

Польшада Краков технология университети талаба-қизлари инсонпарварлик хайрия тадбири ўтказди. Тадбирда қизлар сочини қирқиб, кимёвий терапиядан ўтган қизалоқлар учун соч-париклар тай­ёрлаш мақсадида туҳфа этишган, дейилади Interfax.ru хабарида.

Вьетнамнинг Винь Фук провинциясида 7,1 кило­грамм вазнли паҳлавон чақалоқ дунёга келди, деб хабар бермоқда РАА «Новости». Туғуруқ жарроҳлик йўли билан амалга оширилган. Баъзи хорижий ОАВлари уни дунёдаги энг улкан чақалоқ, деб атамоқда.

Покистонда денге безгаги тарқалишининг олдини олиш мақсадида вирус ташувчи чивинларга қарши махсус кимёвий воситалар аҳоли пунктлари, кўчалар ва одамлар гавжум ҳудудларга пуркалмоқда.

Ҳиндистоннинг Химачал-Прадеш штатида улкан кўприк қоқ иккига бўлиниб кетди. Фожиа пайтида кўприк устида ҳаракатланаётган ­енгил автомобиль ва мотоцикл дарёга қулаб тушган, оғир юк машинаси эса кўприк устида қолган, дейилади Indiadaily.ru хабарида.

Interfax.ru хабарига кўра, Испаниянинг миллий трассасида даҳшатли йўл транспорт ҳодисаси содир бўлган. Ўнлаб юк ва енгил автомобиллар тўқнашуви оқибатида 13 киши ҳалок бўлган.

Япониянинг марказий ва шарқий ҳудудларига улкан талафот келтирган «Лан» тўфони бирмунча пасайиб, Тинч океани томон ҳаракатланмоқда. Ҳукумат аҳолини сел ва кўчкилар хавфидан огоҳлантирмоқда.