Икки кема

Жаҳонда кемаларнинг турлари жуда кўп. Лекин бу «кема»нинг бор йўғи икки хил тури бўлиб, биринчиси дромедар, иккинчиси эса бактриан деб аталади.

Ҳимоя қуроли

Уни чинакам ҳимоя куроли деса бўлади, чунки у нафақат микроблардан, баъзан одамлардан ҳам ҳимоя қилади. Унинг қалбакисини судралиб юрувчи ҳайвон — тимсоҳ номи билан боғлашади. 

Умар Хайём рубоийларидан бири

Бу кўп эски равот, ……..  унга ном,

Тун-кун тулпорига бор бунда ором.

Бу эски базм юзлаб Жамшиддан қолди,

Бу гўрда ётади юз-юзлаб Баҳром.

Заҳарга қарши кураш

Кўпинча қорақуртларга қарши курашиш мақсадида бу газандалар тарқалган ерларда маълум бир тур ҳайвонлар боқилади. Улар қорақуртларни босиб-янчиб ташлайверади. Унинг заҳри ушбу ҳайвонларга таъсир қилмайди.

Қўшиқ куйловчи қуш

Энг йирик ва бақувват қушлардан бири бўлган бу қуш қадим замонлардан буён гўзаллик ва севги, поклик ва нафислик рамзи ҳисобланади. Қадимги ривоятлардан бирида бу ажойиб гўзал қуш ўз ўлими олдидан қўшиқ куйлаши ҳақида ҳикоя қилинади.

Пул ўрнини босувчи мева

Бу дарахт Африка шимолида шу ерлик халқнинг озуқага, қурилиш материалларига, қисқаси, кун кўриш учун зарур нарсаларга бўлган эҳтиёжини қондиради. Саҳрои кабирнинг айрим вилоятларида унинг меваси ҳамон пул вазифасини ўтаб келмоқда.

Мустаҳкам «пўлат» сим

Олимларнинг таъкидлашича, у мустаҳкамлиги жиҳатидан пўлат симга ўхшайди. Уни узиш қийин бўлиб, 1 квадрат миллиметрини узиш учун 50 килограмм куч сарфланиши керак экан.

Дурадгорнинг душмани

Халқ орасида шундай гап бор: ҳаттоки катта тажрибага эга бўлган уста-дурадгорлар ҳам уни ўзига бўйсундира олмайди. У дурадгорларнинг ашаддий душмани ҳисобланади, уларнинг ишига халақит беради.

Қозонга ёғ, қоринга белбоғ

Уларнинг ҳар бирига қуйидаги таърифлар берилган: рўзғорнинг қассоби ва баққоли; оиланинг табиби; қизларнинг сепи; қозоннинг ёғи; қориннинг белбоғи; иморатнинг суяги, қозон олови; ҳам оби ёвғон, ҳам дори-дармон.

Тоғдан-тоққача

Шарофиддин Али Яздий ўзининг «Зафарнома» асарида унга «тоғдан-тоққача ўтказилган том» дея таъриф берган.

Усиз бўлмас шеърингиз равон

Эркин ВОҲИДОВ:

Шеъриятнинг тимсоли — қалам,

У ҳакда-ку шеърлар беҳисоб,

Эй шоирлар, битганда китоб

Эслаб қўйинг .... ни ҳам.

Бусиз бўлмас шеърингиз равон,

Бусиз қилмас сатрлар ханда,

Сиз қаламга шеър айтганда,

... га бағишланг достон.

Деворсиз қўрғон

Ҳакимларнинг  айтишича, у чарчоғи йўқ ибодат, безаксиз зийнат, давлатсиз ҳайбат, деворсиз қўрғондир, у олим учун зийнат, жоҳил учун пардадир.

Қўрқмас сичқонлар

Сичқонлар табиатан жуда қўрқоқ ва эҳтиёткор жонивор. Улар момақалдироқдан жуда қўрқади. Бу табиий. Аммо айрим сичқонлар борки, улар момақалдироқдан мутлақо қўрқмайди. Албатта, улар кар эмас, бошқа сичқонлардан ҳеч фарқ қилмайди.

Кўринмас шудринг

Абу Али ибн Сино «Тиб қонунлари» асарида унга шундай таъриф берган: «У гул ва бошқа нарсаларнинг устига тушадиган кўринмас шудрингдир, у шундай бир буғки, юқорига кўтарилиб, ҳавода етилади ва кечаси қуюқлашиб пастга тушади». 

Худбинлик хасталиги

Оҳайо университети олимлари тадқиқотига кўра, бу янги хасталикда телбалик ва худбинлик аломатлари юқорилиги кузатилади. Бу хасталик номини топишда сизга Нарцисс ҳақидаги афсона ёрдам беради. Бугунги кунда нарцисслар сони ниҳоятда тез кўпаймоқда.