Жума
23-Октябр 2026
Мамлакатимизда юридик таълим тизимини замонавий талаблар асосида такомиллаштириш, таълим, илм-фан ва амалиёт уйғунлигини таъминлаш ҳамда экологик ҳуқуқ соҳасида етук мутахассислар тайёрлаш йўлида яна бир муҳим қадам ташланди.
Яқинда Ўзбекистон Экологик партияси ҳамда Тошкент давлат юридик университети ўртасида ўзаро ҳамкорлик меморандуми ва уни амалга оширишга қаратилган Йўл харитаси имзоланган эди. Куни кеча мазкур келишувнинг дастлабки амалий самараси томон қадам ташланди. Ўзбекистон Экологик партияси Марказий Кенгаши ҳузурида Тошкент давлат юридик университетининг «Экология ҳуқуқи» амалиёт шўъбаси фаолият бошлади.
Ушбу ташаббус нафақат икки муассаса ўртасидаги ҳамкорликнинг мантиқий давоми, балки мамлакатимизда экологик ҳуқуқ соҳасида юқори малакали юридик кадрлар тайёрлаш, талабаларнинг назарий билимларини ҳақиқий амалиёт билан мустаҳкамлашга қаратилган мутлақо янги ёндашув сифатида алоҳида аҳамият касб этади.
Амалиёт шўъбаси очилиш маросимида Ўзбекистон Экологик партияси Марказий Кенгаши раиси, Олий Мажлис Қонунчилик палатасидаги партия фракцияси раҳбари Абдушукур Ҳамзаев ҳамда Тошкент давлат юридик университети ректори, ҳуқуқшунос, 2-даражали адлия маслаҳатчиси Бахшилло Ходжаев мазкур ташаббус юридик таълим мазмунини замон талаблари асосида бойитиш, экологик ҳуқуқ соҳасида илмий ва амалий салоҳиятни юксалтириш, талабаларнинг касбий компетенцияларини шакллантириш ҳамда таълим, илм-фан ва амалиёт интеграциясини мутлақо янги босқичга олиб чиқишга хизмат қилишини алоҳида таъкидладилар.
Янги ташкил этилган амалиёт шўъбаси талабалар учун ҳақиқий тажриба мактабига айланади. Бу ерда улар экологик қонунчиликни қўллаш амалиёти, ҳуқуқий таҳлил, қонун ижодкорлиги, жамоатчилик экологик назорати ва ҳуқуқий тарғибот каби йўналишларда бевосита иштирок этиш орқали ўз билимларини амалиётда мустаҳкамлаш имкониятига эга бўладилар.
Экологик партия Марказий Кенгашида амалга оширилган бугунги ташаббус экологик ҳуқуқ соҳасида фақат билимли эмас, балки юксак амалий тажрибага эга, ташаббускор ва замонавий фикрлайдиган ҳуқуқшунослар авлодини тарбиялашга хизмат қилади. Бу эса экологик қонунчиликни такомиллаштириш, атроф-муҳит муҳофазасига оид ҳуқуқий механизмларни янада кучайтириш ҳамда мамлакатимизда экологик ҳуқуқий маданиятни юксалтириш йўлидаги амалий ҳаракатнинг ёрқин кўринишидир.
Камолиддин РЎЗИМАТОВ
Дунёнинг етакчи давлатларидан бири бўлган Америка Қўшма Штатлари билан Ўзбекистон ўртасидаги ҳамкорлик алоқалари сўнгги йилларда изчил мустаҳкамланиб бораётгани мамлакатимиз учун янги имкониятлар эшигини очмоқда.
Батафсил
«Leaders for Nature» саммитида биохилма-хилликни асрашга доир учта халқаро ташаббус илгари сурилди
Батафсил
Бугунги мураккаб халқаро шароитда давлатлар ўртасидаги ўзаро ишончни мустаҳкамлаш, мавжуд имкониятлардан биргаликда фойдаланиш ва умумий муаммоларга ҳамжиҳатликда ечим топиш тобора муҳим аҳамият касб этмоқда.
Батафсил
Дунёнинг етакчи давлатларидан бири бўлган Америка Қўшма Штатлари билан Ўзбекистон ўртасидаги ҳамкорлик алоқалари сўнгги йилларда изчил мустаҳкамланиб бораётгани мамлакатимиз учун янги имкониятлар эшигини очмоқда.
«Leaders for Nature» саммитида биохилма-хилликни асрашга доир учта халқаро ташаббус илгари сурилди
Бугунги мураккаб халқаро шароитда давлатлар ўртасидаги ўзаро ишончни мустаҳкамлаш, мавжуд имкониятлардан биргаликда фойдаланиш ва умумий муаммоларга ҳамжиҳатликда ечим топиш тобора муҳим аҳамият касб этмоқда.
Бу икки мамлакат ўртасидаги янги ҳамкорлик модели сиёсий ишонч, иқтисодий шериклик ва яшил тараққиёт асосида шаклланмоқда. Ўзаро муносабатлар бугун тарихий қардошлик ва маданий яқинлик доирасидан чиқиб, узоқ муддатли сиёсий, иқтисодий ва геостратегик шерикликнинг янги босқичига кўтарилди.
Таълимдаги ислоҳотларнинг ҳақиқий самараси эртанги кунимизни белгилайдиган билимли, мустақил фикрлайдиган, замонавий касб ва технологияларни эгаллаган ёшлар тимсолида намоён бўлади.
