Жорий йил 4-5 апрель кунлари «Silk Road Samarkand» мажмуасининг конгресс марказида Ўзбекистонда экология ва иқлим ўзгариши соҳасидаги энг йирик тадбирлардан бири – Самарқанд иқлим форуми бўлиб ўтади.

«Марказий Осиё экологик муаммоларга дуч келмоқда: барқарор ривожланиш ва фаровонлик учун минтақавий бирдамликни мустаҳкамлаш» мавзусидаги форум иқлим ўзгариши ва барқарор ривожланишнинг долзарб масалаларини муҳокама қилиш учун етакчи глобал экспертлар, ҳукумат расмийлари ва халқаро ташкилотлар вакилларини бирлаштиради.

Анжуманда 82 мамлакатдан делегациялар, жумладан, давлат раҳбарлари, атроф-муҳит, иқтисодиёт ва сув ресурслари бўйича масъул вазирлар, шунингдек, БМТ, халқаро молия институтлари ва экспертлар иштирок этади.

Форумнинг асосий мавзулари

Тадбир юқори даражадаги мулоқотлар учун платформа бўлиб хизмат қилади ва қуйидаги ихтисослаштирилган сессияларни ўз ичига олади:

• Яшил иқтисодиёт – барқарор ривожланишга йўл;

• Иқлим муаммоларига жавобан Марказий Осиёнинг биологик хилма-хиллиги ва табиий экотизимларини сақлаш;

• Яшил энергия: барқарор ва экологик ривожланиш асоси;

• Марказий Осиёда иқлим ўзгариши шароитида сув ресурсларини комплекс бошқариш;

• Ёшлар: келажакка оптимизм билан қараймиз;

• Барқарор шаҳарлар ва иқлим муаммолари: комплекс режалаштириш ва бошқарув;

• Иқлим ўзгаришига илмий ёндашувлар ва инновацион ечимлар: глобал муаммолар ва маҳаллий стратегиялар.

Форум доирасида, шунингдек, социалистик қурилиш даврида ижтимоий ролларнинг ўзгариши ва атроф-муҳит ўзгаришлари ўртасидаги боғлиқликка қаратилган «Аёллар изидан оқаётган дарё» лойиҳаси кўргазмаси ҳам бўлиб ўтади.

Экология вазирлиги матбуот хизмати

«Яшил» энергетика ва иқлим соҳасидаги лойиҳаларни амалга ошириш Марказий Осиёда «углерод кредитлари» бозорини ривож­лантиришга хизмат қилади. Бу механизм корхоналарга экологик тоза технологияларга инвестициялар жалб қилиш имконини беради, шунингдек, углерод квоталари савдоси соҳасида халқаро ҳамкорлик платформасига айланади...»