Жума
24-Октябр 2025
2024 йил 10 декабрь куни Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилиши бўлиб ўтди. Унда фракция аъзолари томонидан
бир қатор қонун лойиҳалари муҳокама этилди.
Йиғилишда дастлаб депутатлар томонидан қурилишда чанг ва қум заррачаларининг ҳавога кўтарилишини бартараф этишга қаратилган қонун лойиҳаси биринчи ўқишда кўриб чиқилди.
Таъкидланганидек, бугунги кунда қурилиш ва урбанизация кўламининг кенгайиши, қурилиш объектлари майдонларидан чанг ва қум заррачаларининг шамол орқали ҳавога кўтарилиши ҳолатлари атмосфера ҳавосининг ёмонлашишига сабаб бўлмоқда.
Шундан келиб чиқииб, қонун лойиҳаси билан қурилиш майдонларида атмосфера ҳавосини муҳофаза қилиш талабларини бузганлик учун қурилиш ташкилотлари мансабдор шахсларининг жавобгарлигини белгилаш таклиф этилмоқда.
Моҳира ХЎЖАЕВА, фракция азоси:
– Мазкур қонун лойиҳасининг қабул қилиниши экологик вазиятни яхшилашга, атмосфера ҳавоси ифлосланишининг олдини олишга, қурилиш ташкилотларининг масъулиятини оширишга хизмат қилади. Муҳими, бу янги меъёр юртдошларимизнинг қулай атроф-муҳитга эга бўлиш борасидаги конституциявий ҳуқуқлари таъминланишида алоҳида ўрин тутади.
Дарвоқе, Ўзбекистон Экологик партиясининг Сайловолди дастурида ҳар қандай қурилиш табиатга безарар бўлишига эришиш учун қатъий давлат ва жамоатчилик назоратини амалга ошириш вазифаси қўйилган эди. Фракция аъзолари муҳокамасига тақдим этилган янги ҳуқуқий меъёрлар ҳам партиянинг дастурий мақсадларига ҳамоҳанглиги билан аҳамиятлидир.
Муҳокамалар сўнгида қонун лойиҳаси қўллаб-қувватланди.
Шунингдек, йиғилишда, чиқиндиларни тўплаш ва олиб чиқиш хизматларини кўрсатиш соҳасида тўлов интизомини мустаҳкамлашга қаратилган қонун лойиҳаси биринчи ўқишда муҳокама қилинди.
Фракция аъзоларининг фикрича, қонун лойиҳасининг қабул қилиниши чиқиндиларни тўплаш ва олиб чиқиш борасида аҳолига кўрсатилаётган хизматларнинг янада яхшиланишига, соҳада мавжуд камчиликларни бартараф этишга хизмат қилади.
Қизғин муҳокамалар якунида қонун лойиҳаси юзасидан таклиф ва тавсиялар берилиб, лойиҳа маъқулланди.
Кун тартибидаги масалалар атрофлича кўриб чиқилиб, тегишли қарор қабул қилинди.
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Батафсил
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Батафсил
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Батафсил
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Ўзбекистон Президенти Шавкат Мирзиёевнинг очиқ ва прагматик ташқи сиёсати, узоқ ва яқин давлатлар билан ўзаро муносабатларни мустаҳкамлаш борасидаги ташаббуслари туфайли сўнгги йилларда қўшни, яқин ва узоқ мамлакатлар билан мутлақо янги – соғлом сиёсий ва иқтисодий алоқалар йўлга қўйилди.
Кеча Олий Мажлис Қонунчилик палатасининг навбатдаги йиғилишида халқимиз ҳаётини янада қулай ва фаровонлаштиришга қаратилган бир қатор қонун лойиҳалари кўриб чиқилди. Депутатларнинг қизғин муҳокамасидан ўтган лойиҳалар маъқулланиб, Сенатга юборилди.
