Пайшанба
23-Октябр 2025
Олий Мажлиси Қонунчилик палатаси ва маҳаллий кенгашлар депутатлари сайловига тайёргарлик кўриш бўйича Ўзбекистон Экологик партияси барча ҳудудларда тизимли фаолиятни йўлга қўйди.
Партиянинг сайловда иштироки юзасидан асосий чора-тадбирлар режасига мувофиқ ҳудудларда маҳаллий Кенгашлар депутатлигига кўрсатилган номзодлар учун сиёсий ўқув тадбирлари бўлиб ўтмоқда.
Жумладан, Нукус давлат педагогика институтида ташкил қилинган ўқувда партия Марказий Кенгаши ва Олий Мажлис қонунчилик палатасидаги фракцияси вакиллари, Қорақалпоғистон Республикаси партия ташкилоти ходимлари, Халқ депутатлари шаҳар, туман Кенгаши депутатлигига Ўзбекистон Экологик партиясидан кўрсатилган номзодлар ҳамда оммавий ахборот воситалари вакиллари иштирок этди.
Ўзбекистон Экологик партиясининг Олий Мажлис Қонунчилик палатасидаги фракцияси раҳбари Хайрулло Гаппоров партия сайловолди дастурининг қисқача мазмун-моҳияти ҳақида сўз юритиб, илгари сурилаётган асосий ғоялар тўғрисида батафсил ахборот берди. Шунингдек, депутатликка номзодларнинг ҳуқуқ ва мажбуриятлари, уларга қўйиладиган талаблар, сайловолди ташвиқот даврида номзодларга тенг шароитлар яратиш масалаларига алоҳида тўхталиб ўтди.
Сайлов кампанияси доирасида партиянинг аҳоли орасида янада танилиши, илгари сураётган ғоя ва ташаббусларидан фуқароларнинг хабардорлигини юксалтириш бўйича қилиниши керак бўлган галдаги вазифалар юзасидан фикр-мулоҳазалар билдирилди.
Сиёсий партиянинг дастури тўғрисидаги ахборотни депутатликка номзодларни ёки сиёсий партияни ёқлаб овоз беришга даъват этган ҳолда тарқатиш зарурлиги таъкидланди. Омма олдида очиқ мунозаралар, баҳслар, матбуот конференциялари, фуқароларнинг йиғилишлари, интервьюлар, оммавий ахборот воситаларида чиқишлар, роликларни жойлаштириш орқали ташвиқот олиб бориш шакллари тўғрисида ҳам етарлича маълумот бериб ўтилди.
Бўлажак сайловда қўлланилаётган янгича сиёсий амалиёт – аралаш сайлов тизими бўйича ўқув иштирокчиларининг билими ва тизимдан хабардорлигини янада оширишга қаратилган масалалар ҳам муҳокамалар марказида бўлди. Маърузачилар томонидан ҳудудий партия ташкилотлари раисларини сайлов жараёнларига муносиб тайёрлаш, сайлов кампанияси шукуҳида партия ташкилоти иш фаолиятида самарадорликни ошириш бўйича тавсиялар берилди.
Камолиддин РЎЗИМАТОВ,
ЎЭП МК Ахборот хизмати
бош мутахассиси
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Батафсил
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Батафсил
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Батафсил
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Ўзбекистон Президенти Шавкат Мирзиёевнинг очиқ ва прагматик ташқи сиёсати, узоқ ва яқин давлатлар билан ўзаро муносабатларни мустаҳкамлаш борасидаги ташаббуслари туфайли сўнгги йилларда қўшни, яқин ва узоқ мамлакатлар билан мутлақо янги – соғлом сиёсий ва иқтисодий алоқалар йўлга қўйилди.
Кеча Олий Мажлис Қонунчилик палатасининг навбатдаги йиғилишида халқимиз ҳаётини янада қулай ва фаровонлаштиришга қаратилган бир қатор қонун лойиҳалари кўриб чиқилди. Депутатларнинг қизғин муҳокамасидан ўтган лойиҳалар маъқулланиб, Сенатга юборилди.
