Пайшанба
16-Апрел 2026
Қурилиш ва уй-жой коммунал хўжалиги вазирига парламент сўрови юборилди
Олий Мажлис Қонунчилик палатасининг навбатдаги мажлисида депутатлар Қурилиш ва уй-жой коммунал хўжалиги вазири Б.Зокировга «Қурилиш соҳасининг шаффофлигини таъминлаш ва қурилиш ишларини кузатиб бориш учун жамоатчиликка имкон яратиш бўйича амалга оширилаётган ишлар тўғрисида» Қонунчилик палатасининг парламент сўровини юбориш ҳақидаги масалани кўриб чиқишди.
Бугунги кунда қурилиш соҳасини янада ривожлантиришга қаратилган муайян ишлар амалга оширилмоқда. Хусусан, мамлакатимизда сўнгги беш йил давомида, жумладан, 2019 йилда 71,1 трлн., 2020 йил 88 трлн., 2021 йил 107,4 трлн., 2022 йилда 130,7 трлн. сўм ҳамда 2023 йилда 149,9 трлн. сўм ҳажмдаги қурилиш ишлари бажарилган. Қурилиш билан шуғулланадиган ташкилотлар сони 2016 йилда 2 мингтани ташкил этган бўлса, ҳозирги кунда уларнинг сони қарийб 48 мингтага етди. Бундан кўринадики, қурилиш соҳаси мамлакат ЯИМ ошишида ҳам сезиларли улушни ташкил этмоқда.
Шу билан бирга, қурилиш соҳасида коррупция ва бошқа ҳуқуқбузарликларнинг олдини олиш бўйича ҳал этилиши лозим бўлган қатор муаммолар ҳам мавжудлиги ўрганишлар жараёнида аниқланди.
Жумладан, қурилиш соҳасида коррупция ва бошқа ҳуқуқбузарликларнинг олдини олиш мақсадида соҳанинг тўлиқ шаффофлигини таъминлаш ва қурилиш ишларининг боришини кузатиш учун кенг жамоатчиликка имконият яратиш бўйича етарлича ишлар амалга оширилмаган.
Шунингдек, бугунги кунда «Шаффоф қурилиш» портали интернет тармоғида мавжуд бўлса-да, ушбу порталдан фақат белгиланган вазирлик ва ташкилотлар фойдаланиши мумкин бўлиб, ундан фуқаролар ва кенг жамоатчиликнинг фойдаланиши учун етарли имкониятлар яратилмаган. Бундан ташқари, аҳоли пунктларининг бош режаларига оммавий ҳужжат мақомини бериш мақсадида «Геопортал» ахборот тизими яратилган бўлса-да, унда бош режалар бўйича фақат юзаки маълумотлар келтирилган, улар тўғрисидаги тўлиқ маълумотларни олиш имкони мавжуд эмас.
Бугунги кунга қадар шаҳар, шаҳарчалар ва қишлоқ (овул) аҳоли пунктларининг шаҳарсозлик ҳужжатларини ишлаб чиқиш бўйича 2021 йил манзилли рўйхатига киритилган 174 та шаҳарсозлик ҳужжатларини ишлаб чиқиш ишлари олиб борилаётган бўлса-да, ушбу ҳужжатлар кенг жамоатчиликнинг муҳокамасига қўйилмаган.
Фуқароларга қурилаётган объектлар тўғрисида мустақил равишда ахборот олиш, ноқонуний қурилишларни аниқлаш ва уларни қурилиш соҳасидаги назорат юзасидан ваколатли органларга юбориш имконини берувчи «Огоҳ фуқаро» тизимини яратиш бўйича ишлар самарали ташкил қилинмаган.
Шундан келиб чиқиб мажлисда фуқароларга қурилаётган объектлар тўғрисида мустақил равишда ахборот олиш, ноқонуний қурилишларни аниқлаш, «Огоҳ фуқаро» ҳамда «Шаффоф қурилиш» миллий ахборот тизими электрон платформалари ва геопорталдан фойдаланиш тизимининг самарадорлигини таъминлаш борасида олиб борилаётган ишлар юзасидан асослантирилган тушунтиришлар бериш ҳақида Қурилиш ва уй-жой коммунал хўжалиги вазирига парламент сўровини юбориш бўйича қарор қабул қилинди.
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Батафсил
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Батафсил
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Батафсил
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Олий Мажлис Қонунчилик палатасининг навбатдаги мажлисида ҳуқуқбузарликларнинг олдини олиш ва уларга қарши курашиш самарадорлигини кенгайтириш, суд ҳокимияти органлари фаолиятини молиялаштириш, аҳолининг молиявий хатарлар ҳақида хабардорлигини ошириш, саноат хавфсизлиги тизимини мустаҳкамлаш ҳамда креатив иқтисодиётни ривожлантиришга доир қатор қонун лойиҳалари атрофлича кўриб чиқилди.
Олий Мажлис Қонунчилик палатаси Экология ва атроф-муҳитни муҳофаза қилиш масалалари қўмитаси ҳамда Ўзбекистон Экологик партияси фракциясининг «Атмосфера ҳавосини муҳофаза қилиш тўғрисида»ги Қонун ижро этилиши ҳолати Тошкент ва Навоий вилоятлари мисолида назорат-таҳлил тартибида ўрганиш якунларига бағишланган йиғилиши бўлиб ўтди.
