Буюк Британия ташқи ишлар, ҳамдўстлик ва тараққиёт масалалари бўйича давлат котиби Дэвид Кэмерон бошчилигидаги делегация ташриф билан Ўзбекистонга келди. Ташрифдан мақсад минтақавий хавфсизлик, таълим, иқлим ўзгариши, икки томонлама савдо ҳамда бизнес алоқаларини ривожлантиришдир.

Дэвид КЭМЕРОН, Буюк Британия ташқи ишлар, ҳамдўстлик ва тараққиёт масалалари бўйича давлат котиби:

– Ўзбекистон ва Буюк Британия яшил технология бўйича ҳамкорликнинг янги босқичини бошлади. Яна бир гап, Буюк Британия қишлоқ хўжалиги соҳасида мавсумий ишчилар учун махсус схема бор. Ушбу дастурда ўзбекистонликлар ҳам мунтазам иштирок этяпти. Шунингдек, Ўзбекистонда Британиянинг 10 дан ортиқ университети фаолият юритмоқда.

Иш ўрни, савдо-сотиқ, бизнес ва яшил технологияни ҳар икки мамлакатда кенгайтириш умумий манфаатимизга мос келади, деб ўйлайман.

Умуман, Марказий Осиё – дунёнинг муҳим минтақаларидан бири. Ҳудудда жуда кучли қўшнилар бор ва улар билан ҳамкорлик йўлга қўйилган. Ўз навбатида, биз ҳам сизлар билан таълим, иқлим ўзгариши, бизнес ёки савдо шериклиги ривожланишини истаймиз.