Душанба
24-Август 2026
Жорий йилнинг 13 ноябрь куни Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида дастлаб, «Ўзбекистон Республикасининг айрим қонун ҳужжатларига ўзгартиришлар киритиш тўғрисида»ги қонун лойиҳаси иккинчи ўқишда муҳокама этилди.
Таъкидланганидек, сўнгги йилларда мамлакатимизда атроф табиий муҳитни муҳофаза қилиш, экологик хавфсизликни таъминлаш, табиий ресурслардан оқилона фойдаланиш ҳамда санитария ва экологик ҳолатни яхшилаш бўйича тизимли ишлар олиб борилмоқда.
Мазкур қонун лойиҳаси ҳам ушбу соҳанинг ҳуқуқий асосларини янада мустаҳкамлаш мақсадида ишлаб чиқилган. Лойиҳада атроф табиий муҳитни меъёрдан ортиқ даражада ифлослантирувчи корхоналар, ташкилотлар, иншоотлар ва бошқа объектлар фаолиятини ўн иш кунидан кўп бўлмаган муддатга чеклашни ҳамда тўхтатиб туришни назарда тутувчи ўзгартиришлар киритилмоқда.
Фракция аъзолари томонидан қонун лойиҳасининг қабул қилиниши мамлакатимизда экологик ҳолатни янада яхшилаши, аҳолининг ҳаёти ва соғлиғига хавф юзага келишининг олдини олиши, ваколатли давлат органларининг ушбу йўналишдаги масъулиятини ошириш имконини бериши, бу эса ўз навбатида сайловчилар ва партия электорати манфаатларига тўла мос келиши таъкидланди ҳамда қонун лойиҳаси маъқулланди.
Йиғилишда, шунингдек, «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонун лойиҳаси ҳам иккинчи ўқишда кўриб чиқилди.
Мазкур қонун лойиҳаси билан ўндан ортиқ қонунга тегишли ўзгартириш ва қўшимчалар киритиш назарда тутилмоқда ҳамда янги таҳрирдаги Ўзбекистон Республикаси Конституциясига мувофиқлаштирилмоқда.
Депутатлар томонидан қонун лойиҳасида 100 минг нафардан кам бўлмаган фуқаролар, Сенат, Омбудсман ва Марказий сайлов комиссияси қонунчилик таклифларини киритишга ҳақли экани ҳақидаги конституцион норма белгиланаётгани давлат ишларини бошқаришда фуқароларнинг иштирокини янада кентайтиришга, шунингдек, ислоҳотларнинг ташаббускори сифатида инсонлар ўзларининг келажаги, орзу-мақсадларини рўёбга чиқариш учун муҳим қарорлар қабул қилишда, жамиятдаги муаммоларни ўз вақтида ҳал этишда тўғридан-тўғри иштирок этишлари учун шароит яритишга хизмат қилиши таъкидланди.
Атрофлича муҳокамалардан сўнг қонун лойиҳаси халқ вакиллари томонидан маъқулланди.
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Батафсил
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Батафсил
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Батафсил
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Иқлим ўзгариши, сув танқислиги, ҳаво ифлосланиши ва биохилма-хилликнинг қисқариши инсониятдан бугунги куннинг ўзида амалий ҳаракатларни талаб қилмоқда.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда дастлаб фракцияларда атрофлича кўриб чиқилган, давлат бошқаруви ва жамият хавфсизлиги учун ғоят муҳим бўлган бир қатор қонун лойиҳалари депутатлар томонидан қизғин муҳокама қилинди.
