Душанба
24-Август 2026
2023 йил 10 июль куни Тошкент шаҳрида Ўзбекистон Экологик партиясидан Ўзбекистон Республикаси Президентлигига номзод Aбдушукур Ҳамзаев иштирокида сайловга тайёргарлик жараёнлари, амалга оширилган ишлар ҳамда сайловнинг дастлабки натижаларига бағишланган брифинг ташкил этилди.
Брифингда Ўзбекистон Экологик партияси томонидан ўтган даврда тўплаган тажрибаси асосида муддатидан илгари ўтказилган Президентлик сайловига пухта тайёргарлик кўрилгани таъкидланди.
Партия Марказий Кенгаши ва ҳудудларда 15 та сайлов штаблари ташкил этилди. Тарғибот-ташвиқот ишларини самарали ташкил этувчи 320 дан ортиқ тарғибот гуруҳлари шакллантирилиб, партиянинг 5000 нафарга яқин кўнгиллилари тарғибот ишларига жалб қилинди.
Сайловларда иштирок этиш орқали партиянинг дастурий мақсад ва вазифаларини аҳоли ўртасида кенг тарғиб қилиш, аъзолар сафини кенгайтиришга эришилгани, ютуқ ва камчиликларни яққол кўриш имкониятига эга бўлингани қайд этилди.
Президентликка номзод Aбдушукур Ҳамзаев Президент сайловларида иштирок этиш ёш партия учун катта сиёсий тажриба мактаби бўлишини қайд этиб, эълон қилинган сайлов натижаларини халқимиз хоҳиш-иродаси ҳамда танлови сифатида ҳурмат қилиши ва тан олишини таъкидлади.
«Фурсатдан фойдаланиб, сайловчиларнинг 87,05 фоиз овози билан Ўзбекистон Республикаси Президенти лавозимига сайланган Тадбиркорлар ва ишбилармонлар ҳаракати – Ўзбекистон либерал-демократик партиясидан номзод ҳурматли Шавкат Миромонович Мирзиёевни ўзим ва партиядошларим номидан табриклайман», – деди Aбдушукур Ҳамзаев.
Овоз бериш жараёнида бирор қонун бузилиши ҳолатлари кузатилмагани ҳамда барча сайлов участкаларида партиянинг кузатувчилари ва ишончли вакиллари диққат билан иштирок этгани қайд этилди.
Брифинг якунида номзод уни қўллаб-қувватлаган сайловчиларга, сайлов кампаниясини ўтказишда куну-тун меҳнат қилган партия аъзолари ва фаолларига ўз миннатдорчилигини билдирди.
Ўзбекистон Экологик партияси
Марказий кенгаши Матбуот хизмати
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Батафсил
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Батафсил
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Батафсил
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Иқлим ўзгариши, сув танқислиги, ҳаво ифлосланиши ва биохилма-хилликнинг қисқариши инсониятдан бугунги куннинг ўзида амалий ҳаракатларни талаб қилмоқда.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда дастлаб фракцияларда атрофлича кўриб чиқилган, давлат бошқаруви ва жамият хавфсизлиги учун ғоят муҳим бўлган бир қатор қонун лойиҳалари депутатлар томонидан қизғин муҳокама қилинди.
