Шанба
18-Апрел 2026
халқимиз хоҳиш-иродасини, она табиат олдидаги масъулиятимизни ифода этади
Кеча давлатимиз раҳбари билан учрашув бевосита, жамиятимиз равнақи, халқимиз фаравонлиги йўлида амалга ошириладиган янада катта ислоҳотларга туртки бўладиган бир тарихий воқелик бўлди, десам тўғри бўлади.
Ўзбекистон Экологик партияси сиёсий партиялар орасида энг ёш партия бўлишига қарамасдан, сиёсий майдонда ўз ўрнини топмоқда.
Бугунги жадаллашган сиёсий жараёнларда партиямизнинг кўп минг сонли электорати ва фаоллари томонидан мамлакатимизда атроф муҳит мусаффолигини сақлаш, экологик барқарорликни таъминлаш бўйича илгари сурилган қатор таклиф ва ғоялар янгиланаётган Бош қомусимизда ўз аксини топаётганини алоҳида таъкидлашимиз лозим.
Мамлакатимиз тарихида биринчи марта Конституцияга алоҳида экологияга оид боб киритилмоқда. Экологияга оид нормалар муқаддимадан тортиб, инсон ҳуқуқларига оид нормаларда ҳам ўз аксини топмоқда. Яъни, аввалги, мавжуд нормаларга нисбатан экологияга оид нормалар қарийиб беш баробарга кўпайди.
Конститутицияда биринчи марта ҳукуматнинг атроф муҳитни муҳофаза қилиш соҳасидаги ягона давлат сиёсатининг амалга оширилишини таъминлаш, табиат бойликларини, биологик хилма-хилликни асраб-авайлаш, иқлим ўзгаришига қарши курашиш каби вазифалари алоҳида кўрсатиб ўтилмоқда.
Шунингдек, партиямиз томонидан парламент текширувини ўтказиш ваколатини Конституцияда мустаҳкамлаш таклифи илгари сурилиб, унинг лойиҳада акс эттирилишига эришилди.
Парламент назоратининг мазкур шакли ижро ҳокимияти фаолиятини назорат қилишнинг энг қудратли воситаси ҳисобланади. Ушбу ўзгаришлар, шубҳасиз, ҳукуматнинг парламент олдидаги, пировардида халқимиз олдидаги масъулиятини янада оширишга хизмат қилади.
Янгиланаётган Конституция лойиҳасини Ўзбекистон Экологик партиясининг барча электорати, аъзолари ва экологлар якдиллик билан қўллаб-қувватлайди.
Абдушукур ҲАМЗАЕВ,
Ўзбекистон Экологик партияси Марказий кенгаши
Ижроия қўмитаси раиси
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Батафсил
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Батафсил
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Батафсил
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Олий Мажлис Қонунчилик палатасининг навбатдаги мажлисида ҳуқуқбузарликларнинг олдини олиш ва уларга қарши курашиш самарадорлигини кенгайтириш, суд ҳокимияти органлари фаолиятини молиялаштириш, аҳолининг молиявий хатарлар ҳақида хабардорлигини ошириш, саноат хавфсизлиги тизимини мустаҳкамлаш ҳамда креатив иқтисодиётни ривожлантиришга доир қатор қонун лойиҳалари атрофлича кўриб чиқилди.
