Пайшанба
16-Апрел 2026
Шу кунларда юртимизнинг барча ҳудудларида Ўзбекистон Республикаси давлат мустақиллигининг 31 йиллигини муносиб кутиб олиш ва тантанали равишда нишонлаш учун ҳар томонлама қизғин тайёргарлик кўрилмоқда.
Президентимиз томонидан шу йил 2 августда имзоланган «Ўзбекистон Республикаси давлат мустақиллигининг ўттиз бир йиллик байрамига тайёргарлик кўриш ва уни юқори савияда ўтказиш тўғрисида»ги қарорига биноан, мазкур қутлуғ санага бағишлаб ўтказилажак барча тадбирлар ҳамда тарғибот-ташвиқот ишлари «Янги Ўзбекистонда эл азиз, инсон азиз!», деган бош ғояни ўзида мужассам этган ҳолда ўтказилиши белгиланди.
Дарҳақиқат, инсон манфаатларини улуғлаш бугун Янги Ўзбекистон ҳаётининг бош мезонига айланди. Шаҳар ва қишлоқларимизнинг қиёфаси тубдан ўзгармоқди. Айниқса, «Инсон қадри учун» тамойилига амал қилинган ҳолда аҳолига янада қулайлик яратиш, турмуш шароитини яхшилаш мақсадида олиб борилаётган ишлар таҳсинга лойиқ.
Юртимизда атроф муҳит муҳофазаси, она табиатни асраш, аҳолини тоза ҳаво, тоза ичимлик сув билан таъминлаш каби изчил саъй-ҳаракатлар замирида ҳам инсон қадри тамойили мужассамдир. Бу борадаги кенг кўламли ишларда Ўзбекистон Экологик партиясининг кўп минг сонли аъзолари, тарафдорлари, депутатлар корпуси – умуман партиянинг ҳар бир бўғини муносиб иштирок эмоқда ва ўз ҳиссасини қўшмоқда.
Куни кеча Ўзбекистон Экологик партияси Марказий Кенгаши Ижроия қўмитасининг ҳудудий партия ташкилотлари раислари, партиянинг Олий Мажлис Қонунчилик палатасидаги ҳамда маҳаллий Кенгашлардаги депутатлари иштирокида видеоконференция йиғилишида ҳам Мустақиллик байрамига тайёргарлик кўриш ва байрамни кўтарингки руҳда ўтказиш, бу борада партия ташкилотлари олдидаги вазифалар атрофлича муҳокама қилинди. Ўзбекистон Экологик партиясининг Қорақалпоғистон Республикаси, вилоятлар ва Тошкент шаҳар партия ташкилотлари томонидан «Янги Ўзбекистонда эл азиз, инсон азиз» шиори остида байрам тадбирларини ташкил этиш ва юқори савияда ўтказиш бўйича тушунтириш ва тавсиялар берилди.
Шу билан бирга, барча туман (шаҳар) партия ташкилотларининг навбатдаги Кенгаш йиғилишини ўтказиш бошлангани, Кенгаш йиғилишларини ОAВ ҳамда ижтимоий тармоқларда ёритишга алоҳида эътибор қаратиш лозимлиги айтиб ўтилди. Ҳудудий партия ташкилотлари томонидан ўтказиладиган Кенгаш йиғилишларида Олий Мажлис Қонунчилик палатаси депутатлари ҳамда партия Марказий Кенгашидан вакиллар иштирок этиши таъкидланди.
Шунингдек, ҳар бир ҳудудда «Яшил макон» умумиллий лойиҳаси доирасида экилган дарахтлар парвариши ҳамда ҳудудлардаги экологик муаммоларни ўрганиш бўйича «Жамоатчилик назорати»ни ташкил қилиш бўйича топшириқлар берилди.
Ўзбекистон Экологик партияси
Марказий кенгаши
матбуот хизмати
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Батафсил
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Батафсил
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Батафсил
Жорий йилнинг биринчи чораги Ўзбекистон Экологик партияси фракцияси учун муҳим давр бўлиб, мамлакатнинг «яшил» иқтисодиётга ўтиш жараёнларини тезлаштириш фракция фаолиятида, депутатларнинг аҳоли билан мулоқотида энг устувор масалага айланди.
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Олий Мажлис Қонунчилик палатасининг навбатдаги мажлисида ҳуқуқбузарликларнинг олдини олиш ва уларга қарши курашиш самарадорлигини кенгайтириш, суд ҳокимияти органлари фаолиятини молиялаштириш, аҳолининг молиявий хатарлар ҳақида хабардорлигини ошириш, саноат хавфсизлиги тизимини мустаҳкамлаш ҳамда креатив иқтисодиётни ривожлантиришга доир қатор қонун лойиҳалари атрофлича кўриб чиқилди.
