Сешанба
25-Август 2026
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилиши бўлиб ўтди.
Фракция муҳокамасида дастлаб «Давлат ҳисобидан юридик ёрдам тўғрисида»ги қонун лойиҳаси бўлди.
Йиғилишда таъкидланганидек, қонун лойиҳаси жисмоний шахсларга ўз ҳуқуқ ва қонуний манфаатларини рўёбга чиқариш ҳамда ҳимоя қилиш учун зарур бўлган барқарор ва ишончли давлат ҳисобидан юридик ёрдам кўрсатиш тизимини яратиш, юридик ёрдам олиш ва одил судловга эришишда тенг имкониятлардан фойдаланишни таъминлаш мақсадида ишлаб чиқилган.
Қайд этилганидек, 2021 йилда маъмурий судлар томонидан кўрилган 15 мингга яқин ишлардан 4 мингдан ортиғи пенсия ва нафақа тайинлашга оид масалалар бўлса, 2021 йилда фуқаролик ишлари бўйича судлар томонидан кўрилган 519 мингга яқин ишлардан қарийб 148 мингтаси хотин-қизлар даъво аризаларига оид масалалардир.
Қонун лойиҳаси билан давлат ҳисобидан юридик ёрдам кўрсатадиган адвокатларни жалб этишнинг шаффоф механизмларини жорий этиш, давлат ҳисобидан юридик ёрдам кўрсатишни мувофиқлаштирувчи ягона органни белгилаш ва бу орқали бюджет маблағларининг сарфланиши устидан самарали назорат ўрнатилишини таъминлаш кўзда тутилган.
Шунингдек, фуқароларнинг одил судловга эришиш даражасини янада ошириш ва малакали юридик ёрдам олишга бўлган кафолатларини кучайтириш назарда тутилган.
Қизғин баҳс мунозаларга бой бўлган фракция йиғилишида қонун лойиҳасини янада такомиллаштириш юзасидан қатор таклиф ва тавсиялар билдирилиб, қўллаб-қувватланди.
Йиғилишда «Пробация тўғрисида»ги, «Ўзбекистон Республикасининг Фуқаролик кодексига ўзгартишлар киритиш тўғрисида»ги ва бошқа бир қатор қонун лойиҳалари кўриб чиқилди.
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Батафсил
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Батафсил
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Батафсил
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Иқлим ўзгариши, сув танқислиги, ҳаво ифлосланиши ва биохилма-хилликнинг қисқариши инсониятдан бугунги куннинг ўзида амалий ҳаракатларни талаб қилмоқда.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда дастлаб фракцияларда атрофлича кўриб чиқилган, давлат бошқаруви ва жамият хавфсизлиги учун ғоят муҳим бўлган бир қатор қонун лойиҳалари депутатлар томонидан қизғин муҳокама қилинди.
