Сешанба
25-Август 2026
Кеча Тошкент шаҳрида Ўзбекистон Экологик партияси Марказий Кенгашининг пленуми бўлиб ўтди. Унда Ўзбекистон Экологик партияси Марказий Кенгаши аъзолари, Олий Мажлис Қонунчилик палатаси депутатлари, ҳудудий партия ташкилотлари раҳбарлари (ZOOM иловаси орқали), партия фаоллари иштирок этди.
Пленумда Ўзбекистон Республикаси Конституциясига ўзгартиш ва қўшимчалар киритиш бўйича олиб борилаётган ишлардан кенг жамоатчиликни хабардор қилиш ва уларнинг таклифларини ўрганиш борасида қилиниши лозим бўлган ишлар муҳокама этилди.
Ўзбекистон Республикаси Олий Мажлис Қонунчилик палатаси Спикери ўринбосари, Ўзбекистон Экологик партияси фракцияси раҳбари Хайрилло Гаппоров конституциявий ислоҳотлар жараёнини аҳолининг кенг қатламига тарғиб қилишда партиянинг ҳудудий ва туман (шаҳар) ташкилотлари, партия фаоллари ҳамда маҳаллий кенгаш депутатлари фаоллик кўрсатиши кераклиги, аҳолининг таклиф ва фикрларини Марказий Кенгаш ва махсус платформалар орқали етказиш бўйича тавсиялар билдирди.
Шунингдек, пленумда ташкилий масала ҳам кўриб чиқилди. Ўзбекистон Экологик партияси Марказий Кенгаши Ижроия қўмитаси раисининг Экологик сиёсат ва жамоатчилик билан ишлаш бўйича ўринбосари лавозимига Ҳамзаев Абдушукур Худойқулович сайланди.
А.Ҳамзаев бугунги кунга қадар Ўзбекистон Республикаси Ўрмон хўжалиги давлат қўмитаси ҳузуридаги Ўрмон хўжалиги илмий-тадқиқот институти директори лавозимида ишлаб келган.
Кун тартибидаги масалалар бўйича ҳудудий партия ташкилотларига тегишли вазифалар белгилаб берилди. Муҳокама қилинган барча масалалар юзасидан Ўзбекистон Экологик партияси Марказий Кенгаши пленуми тегишли қарорларни қабул қилди.
Ўзбекистон Экологик партияси
Марказий Кенгаши Матбуот хизмати
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Батафсил
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Батафсил
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Батафсил
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Иқлим ўзгариши, сув танқислиги, ҳаво ифлосланиши ва биохилма-хилликнинг қисқариши инсониятдан бугунги куннинг ўзида амалий ҳаракатларни талаб қилмоқда.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда дастлаб фракцияларда атрофлича кўриб чиқилган, давлат бошқаруви ва жамият хавфсизлиги учун ғоят муҳим бўлган бир қатор қонун лойиҳалари депутатлар томонидан қизғин муҳокама қилинди.
