Якшанба
26-Октябр 2025
Куни кеча Ўзбекистон Экология ва атроф муҳитни муҳофаза қилиш давлат қўмитасида Глобал яшил ўсиш институтининг (GGGI) Ўзбекистондаги ваколатхонасининг расмий очилиш маросими бўлиб ўтди.
Қайд этилишича, Ўзбекистондаги Глобал яшил ўсиш институти МДҲ ҳамда Марказий Осиё мамлакатлари орасида биринчи офис ҳисобланади. Институт халқаро ҳукуматлараро ташкилот бўлиб, бош офиси Жанубий Кореянинг Сеул шаҳрида жойлашган. Ташкилот 2012 йил 20 июнь куни Рио-де-Жанейрода (Бразилия) БМТнинг Барқарор ривожланиш бўйича конференцияси доирасида таъсис этилган.
Ташкилотнинг мақсади – иқлим ўзгариши шароитларида тараққий этган ҳамда бозор иқтисодиётини танлаган мамлакатларда яшил иқтисодиётни ривожлантириш йўли орқали барқарор иқтисодий ўсишга кўмаклашиш ҳисобланади.
Таъкидланишича, ҳозирги кунда институт дунёнинг 30 дан ортиқ мамлакатларида 54 та лойиҳани амалга ошириб келмоқда. БМТ собиқ бош котиби Пан Ги Мун институт президенти ва кенгаш раиси ҳисобланади. Очилиш маросимида Глобал яшил ўсиш институти бош директор ўринбосари Хелена Маклоид, институтнинг Осиё бўйича минтақавий директори Ачала Абейсингх иштирок этди.
«Кўпчилигингизга маълумки, БМТ Бош Aссамблеяси Бош котиби сифатидаги фаолиятим давомида халқаро хабардорликни ошириш ва Орол денгизи минтақасини қайта тиклашни қўллаб-қувватланишини молиялаштириш мажбуриятларини олиш учун катта саъй-ҳаракатлар амалга оширилди. Дарҳақиқат, мен 2018 йилда Оролбўйи минтақасида бўлганимда Марказий Осиёнинг сув ресурсларидан беқарор фойдаланиши инсоният томонидан мавжуд бўлган энг даҳшатли экологик офатлардан бирига олиб келганини ўз кўзим билан кўрдим. Шунинг учун ҳам Орол денгизи минтақасидаги муаммоларни ҳал этиш йўлидаги ҳар бир саъй-ҳаракат алоҳида эътирофга лойиқдир», дейилади Пан Ги Муннинг Глобал яшил ўсиш институтининг Ўзбекистондаги ваколатхонаси очилиши муносабати билан йўллаган табригида.
Жорий йилда Давлат экология қўмитаси ҳамда Глобал яшил ўсиш институти Орол денгизи таназзулининг салбий оқибатларини бартараф этиш мақсадида Оролбўйи минтақасининг яшил тикланишини молиялаштиришга йўналтирилган ҳамкорликдаги лойиҳани амалга оширишни бошлади. Халқаро ҳамкорлик бўйича Корея агентлиги (KOICA) томонидан молиялаштириладиган бу лойиҳанинг умумий қиймати 5,65 миллион АҚШ долларига тенг.
Умид қиламизки, амалга оширилаётган ушбу хайрли иш Оролқумни жаннатмонанд боғларга айлантиришда катта ёрдам беради.
Саида ИБОДИНОВА
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Батафсил
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Батафсил
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Батафсил
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Ўзбекистон Президенти Шавкат Мирзиёевнинг очиқ ва прагматик ташқи сиёсати, узоқ ва яқин давлатлар билан ўзаро муносабатларни мустаҳкамлаш борасидаги ташаббуслари туфайли сўнгги йилларда қўшни, яқин ва узоқ мамлакатлар билан мутлақо янги – соғлом сиёсий ва иқтисодий алоқалар йўлга қўйилди.
Кеча Олий Мажлис Қонунчилик палатасининг навбатдаги йиғилишида халқимиз ҳаётини янада қулай ва фаровонлаштиришга қаратилган бир қатор қонун лойиҳалари кўриб чиқилди. Депутатларнинг қизғин муҳокамасидан ўтган лойиҳалар маъқулланиб, Сенатга юборилди.
