Душанба
24-Август 2026
Тошкент шаҳрида Ўзбекистон Экологик партиясидан Ўзбекистон Республикаси Президентлигига номзод Нарзулло Обломуродов иштирокида сайловга тайёргарлик жараёнлари, амалга оширилган ҳамда сайловнинг дастлабки натижаларига бағишланган брифинг ташкил этилди.
Сўнгги беш йилда мамлакатимизда кенг миқёсдаги демократик ўзгаришлар амалга оширилди. Жамиятимизда очиқлик сиёсати ва сўз эркинлиги изчил таъминланаётгани, айниқса, оммавий ахборот воситаларининг роли ва аҳамияти тобора ошиб бораётгани сайлов жараёнида номзодлар ўртасида эркин рақобат муҳитини таъминлади. Буларнинг барчаси мамлакатимиз миллий сайлов қонунчилигини изчил такомиллаштириш ҳамда сайловларни ўтказиш амалиёти сифат жиҳатидан янги поғонага кўтарилгани ифодасидир.
Шуни алоҳида қайд этиш зарурки, сайлов кампанияси давомида тарғибот-ташвиқот ишлари учун барча номзодларга демократик ва тенглик тамойиллари асосида бир хил шароит яратиб берилди. Жумладан, Экологик партиядан кўрсатилган номзодни жамоатчиликка таништириш, сайловолди дастурини ёритиш учун сайлов қонунчилигига асосланган бепул эфир вақти ҳамда матбуот нашрларидан бепул саҳифалар ажратилди.
Президентликка номзод Нарзулло Обломуродов сайловнинг дастлабки натижаларини халқимиз хоҳиш иродаси ҳамда танлови сифатида ҳурмат қилишини ва бу натижаларни тўлиғича тан олишини таъкидлади.
«Фурсатдан фойдаланиб, сайловчиларнинг 80,1 фоиз овози билан Ўзбекистон Республикаси Президенти юксак лавозимига сайланган Ўзбекистон тадбиркорлари ва ишбилармонлари ҳаракати – Либерал-демократик партиясидан номзод ҳурматли Шавкат Миромонович Мирзиёевни ўзим ва партиядошларим номидан чин дилдан табриклайман.
Биз келгусида сайланган Президентнинг барча ғоя ва ташаббусларини қўллаб-қувватлаган ҳолда жонажон Ўзбекистонимиз тараққиёти ва халқимизнинг порлоқ келажаги йўлида бор куч ва ғайратимизни аямасдан меҳнат қилишимизни билдираман», деди Нарзулло Обломуродов
Овоз бериш жараёнида бирор қонун бузилиши ҳолатлари кузатилмагани, барча сайлов участкаларида партиянинг кузатувчилари ва ишончли вакиллари фаолият олиб борганини қайд этди.
Ўзбекистон Экологик
партияси Ахборот хизмати
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Батафсил
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Батафсил
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Батафсил
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Иқлим ўзгариши, сув танқислиги, ҳаво ифлосланиши ва биохилма-хилликнинг қисқариши инсониятдан бугунги куннинг ўзида амалий ҳаракатларни талаб қилмоқда.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда дастлаб фракцияларда атрофлича кўриб чиқилган, давлат бошқаруви ва жамият хавфсизлиги учун ғоят муҳим бўлган бир қатор қонун лойиҳалари депутатлар томонидан қизғин муҳокама қилинди.
