Пайшанба
16-Апрел 2026
Самарқанд вилояти шаҳар ва қишлоқларида Ватанимиз мустақиллигининг йигирма беш йиллиги муносабати билан
«Гўзал ва бетакроримсан, муқаддас Ватаним, жоним сенга фидо, Ўзбекистоним!» шиори остида маданий-маърифий тадбирлар ўтказилмоқда.
Президентимизнинг шу йил 2 июндаги «Ўзбекистон Республикаси давлат мустақиллигининг йигирма беш йиллик байрамига тайёргарлик кўриш ва уни ўтказиш тўғрисида»ги қарори ижроси доирасида ташкил этилаётган ушбу учрашувларда таниқли адиблар, рассомлар, олимлар, маданият ва санъат намоёндалари иштирок этмоқда.
Самарқанд шаҳридаги Кўксарой майдонида ўтказилган шундай тадбирда Ўзбекистон халқ шоири Хуршид Даврон, Ўзбекистон Журналистлари ижодий уюшмаси раиси ўринбосари Ўктам Мирзаёров ва бошқалар Президентимиз раҳнамолигида барча соҳаларда амалга оширилаётган ислоҳотлар юксак самаралар бераётганини таъкидлади. Давлатимизнинг йилдан-йилга халқаро майдонда обрў-эътибори ошиб, шаҳар ва қишлоқларимиз тобора обод бўлаётгани, халқимиз турмуш фаровонлиги юксалиб бораётгани Ватанимиз мустақиллиги билан боғлиқ, бинобарин, жаҳон ҳамжамияти томонидан кенг эътироф этилган тараққиётнинг «ўзбек модели» самараси экани қайд этилди.
— Бугун дунёдаги мураккаб сиёсий-иқтисодий вазият кўплаб давлатлар иқтисодиётига салбий таъсир кўрсатмоқда, — дейди Тошкент молия институти профессори Азамат Мухторов. — Ривожланган давлатларда ҳам ялпи ички маҳсулот ишлаб чиқариш ҳажми пасайиши кузатилаётган бир пайтда Президентимиз раҳнамолигида амалга оширилаётган изчил ислоҳотлар туфайли мамлакатимизда кейинги ўн бир йил давомида ялпи ички маҳсулотнинг ўсиш суръати 8 фоиздан юқори бўлиб келмоқда.
Тадбирда истиқлол йилларида маънавият, адабиётга алоҳида эътибор қаратилаётгани, ижод аҳли ҳар томонлама қўллаб-қувватланаётгани алоҳида таъкидланди.
Самарқанд шаҳридаги «Китоб олами» мажмуасида ўтган адабий-бадиий учрашувда китоб ва китобхонлик, истиқлол берган имкониятлар, навқирон авлод камолотига қаратилаётган алоҳида эътибор, истеъдодли ёшларни қўллаб-қувватлаш борасида амалга оширилаётган ишлар ва уларнинг самараси ҳақида сўз юритилди.
Тадбирда Самарқанд вилояти ҳокими З.Мирзаев сўзга чиқди.
Ғолиб ҲАСАНОВ,
ЎзА мухбири
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Батафсил
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Батафсил
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Батафсил
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Олий Мажлис Қонунчилик палатасининг навбатдаги мажлисида ҳуқуқбузарликларнинг олдини олиш ва уларга қарши курашиш самарадорлигини кенгайтириш, суд ҳокимияти органлари фаолиятини молиялаштириш, аҳолининг молиявий хатарлар ҳақида хабардорлигини ошириш, саноат хавфсизлиги тизимини мустаҳкамлаш ҳамда креатив иқтисодиётни ривожлантиришга доир қатор қонун лойиҳалари атрофлича кўриб чиқилди.
Олий Мажлис Қонунчилик палатаси Экология ва атроф-муҳитни муҳофаза қилиш масалалари қўмитаси ҳамда Ўзбекистон Экологик партияси фракциясининг «Атмосфера ҳавосини муҳофаза қилиш тўғрисида»ги Қонун ижро этилиши ҳолати Тошкент ва Навоий вилоятлари мисолида назорат-таҳлил тартибида ўрганиш якунларига бағишланган йиғилиши бўлиб ўтди.
