Нилуфар ХОЛМУХАМЕДОВА,

Мирзо Улуғбек туманидаги 49-умумтаълим мактаби ўқитувчиси, Халқ таълими аълочиси

Газета юз берган воқеаларни тезкорлик билан ёритиш, газетхонни янгиликлардан хабардор қилиш, мушоҳада юритиш асосида ўқувчиларни фикрлашга, хулоса чиқаришга ундашини ҳаммамиз яхши биламиз. «Оила даврасида» газетаси бу талабларга тўла жавоб беради, деб ўйлайман.  Менимча, ушбу газета ўзининг оммабоплиги туфайли ўқувчилари учун бебаҳо топилма бўлди. Уни нафақат турли соҳа вакиллари, балки оддий одамлар ҳам бирдай қизиқиш билан мутолаа қилади.

Биз ҳам бу газетага 2012 йилдан бери обуна бўлиб келамиз ва оила аъзоларим билан бирорта сонини қолдирмай ўқиб борамиз. Унда бериб борилаётган ўзбек ва чет эл адибларининг қизиқарли ҳикояларидан намуналар, «Оилахуржун»да кулгига, сатира ва юморга бой кичик ҳикоялар, қайроқи гапларни юзимизда табассум билан ўқиб, ақлни чархловчи бошқотирмаларнинг жавобини топишга ҳаракат қиламиз.

Йигирма икки йилдан бери мактабда дарс бераман.

Ўтаётган дарсларимда ўқувчиларга шу газетада бериб борилаётган оилада ота-она қадри, фарзанд тарбияси, саломатлик, ҳуқуқий саводхонлик, миллий ва маънавий қадриятларимиз, осори атиқаларимиз, юртимизнинг қадимий ва гўзал масканлари ҳақидаги қизиқарли мақолалардан айтиб бераман.

Зеро, фарзанд-ўқувчи тарбияси ҳар биримизнинг ҳар кунги вазифамиздир. Бу борада менга ва барча ота-оналарга «Оила даврасида» газетаси катта кўмакчи деб биламан.

Биз оила аъзоларимиз билан 2019 йил учун ҳам «Оила даврасида» газетасига обуна бўлдик. Сиз ҳам танловда адашманг!