Жума
24-Октябр 2025
Муҳриддин АБДУВАЛИЕВ,
Тошкент вилояти Ўрта Чирчиқ туманидаги «Абдували Муҳриддин агро» фермер хўжалиги раҳбари:
— Хўжалигимиз 3 йил аввал иш бошлаган. 65 гектар ернинг аксарият қисми ажриқ босган, нотекислиги сабаб сув кўллаши ҳисобига ҳосилдорлиги камайган ерлар эди. Фаолиятимизнинг дастлабки йилида айни шу жиҳатларга алоҳида эътибор қаратиб, ернинг нормал ҳолатини тиклашга киришдик. Тўғри, осон бўлмади. Аммо қанча меҳнат талаб этилмасин, ерларни текислаб, ажриқдан тозаладик. Маҳаллий ва қўшимча озиқлар билан ернинг балл бонитетини оширдик.
Айнан шу ишимиз хўжалигимиз муваффақиятининг тамал тоши бўлди, десам, муболаға бўлмайди. Боиси, биласиз, хўжалик муваффақият қозониши учун даромад келтирувчи тармоқларни кенгайтириши, фаолиятига инновацион технологияларни жалб этиши зарур. Ушбу талаб ўз-ўзидан маблағга, маблағ юқори ҳосилдорликка, юқори ҳосилдорлик эса ернинг нормал ҳолати ва албатта самарали меҳнатга таянади. Бунинг уддасидан чиққан деҳқон борки, «кетмони учаверади».
Деҳқончилик учун бир мунча мураккаб келган жорий мавсумдан мисол. 32 гектарда буғдой парваришлаб, 65 центнердан ошириб ҳосил олдик. Давлатга режадаги 97 тонна ўрнига, 102 тонна буғдой топширдик. Қолгани омборимиз ва хўжалик аъзоларининг уйини донга тўлдирди. Биргина ғалланинг даромадидан 144 миллион сўмга Франциянинг «Khun» фирмасидан чигит ва дон экишга ихтисослашган мослама харид қилдик.
Дарвоқе, бу йил 30 гектарда пахтанинг «Наманган 77» навини парваришлаб, қабул пунктига 92 тонна ўрнига 95 тонна пахта топширдик. Ҳали далада ҳосил мўл.
«Меҳнат инсонни улуғлайди», деган гапда ҳикмат кўп экан. Энди 21 ёшни қаршилаган бўлсам-да, фаолиятимиз ва хўжалигимиз эришаётган муваффақиятлар сабаб Президентимиз билан учрашиш, қимматли ўгитларини олиш бахтига муяссар бўлдим. Бўка туманида давлатимиз раҳбари билан бўлиб ўтган мулоқотдан олам-олам ташаббус, ишонч ва қатъият олдим. Бу учрашув ҳаётимда унутилмас бўлиб қолиши билан бирга, яратувчанлик, тадбиркорлик ва юксаклик томон туб бурилиш ҳам ясаб берди. Президентимизнинг эътибори туфайли болалик орзуим — олий таълим муассасасида таълим олиш бахтига эришадиган бўлдим. Энди мен Тошкент давлат аграр университети талабасиман!
Бундан кейин ҳам ўқиш ва ишда янги марраларни забт этиб, халқимиз ва Президентимизнинг ишончини, албатта, оқлайман.
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Батафсил
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Батафсил
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Батафсил
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Ўзбекистон Президенти Шавкат Мирзиёевнинг очиқ ва прагматик ташқи сиёсати, узоқ ва яқин давлатлар билан ўзаро муносабатларни мустаҳкамлаш борасидаги ташаббуслари туфайли сўнгги йилларда қўшни, яқин ва узоқ мамлакатлар билан мутлақо янги – соғлом сиёсий ва иқтисодий алоқалар йўлга қўйилди.
Кеча Олий Мажлис Қонунчилик палатасининг навбатдаги йиғилишида халқимиз ҳаётини янада қулай ва фаровонлаштиришга қаратилган бир қатор қонун лойиҳалари кўриб чиқилди. Депутатларнинг қизғин муҳокамасидан ўтган лойиҳалар маъқулланиб, Сенатга юборилди.
