Пайшанба
23-Октябр 2025
Инсон учун ўз меҳнати самарасини кўришдан ҳам каттароқ ҳузур бўлмаса керак.
Айниқса, узоқ йиллик меҳнат — ўқитувчиликда шогирдлар муваффақияти ўзингга берилган ютуқдан ҳам афзалроқ татийди.
Яқинда шундай хушхабар эшитдик: Бағдод туманидаги 16-болалар мусиқа ва санъат мактабининг доира синфи ўқувчиси Нурбек Валижонов Хитой пойтахтида «Пекин юлдузи» шиори остида ўтказилган «Истеъдодлар ёғдуси» — 21-болалар ва ўсмирлар ижодиёти халқаро фестиваль-танловда Гран-при соҳиби бўлибди.
Бу хушхабарни эшитгач, Президентимизнинг Ўзбекистон Болалар спортини ривожлантириш жамғармаси Ҳомийлик кенгаши йиғилишида «…эски тузум даврида жаҳон миқёсида ўтадиган биронта мусобақада «ўзбек», «Ўзбекистон» деган номлар бугунгидек жаранглаб, миллионлаб инсонлар қалбида акс-садо берганини биров эшитганми? Ватанимиз байроғи шунчалар баланд кўтарилганини илгари биров кўрганми?» дея алоҳида таъкидлагани ёдга тушди.
Бугун юртимизда замонавий мусиқа чолғулари, юксак малакали педагоглар билан таъминланган болалар мусиқа ва санъат мактаблари сони 191 тага етди. Уларда фарзандларимиз дарсдан бўш вақтларини самарали ўтказишяпти. Ҳатто дарсдан кейинги қўшимча машғулотларда эгаллаган маҳорат ва билимини, ўзбек фарзанди нималарга қодирлигини дунёга намойиш этишяпти.
— Болаларимизга шундай муҳташам масканларни барпо этиб, замонавий шарт-шароитларни яратиб берган Президентимизга раҳмат, — дейди Нурбекнинг отаси Шерзод Сулаймонов. — Қолаверса, бу даргоҳда меҳнат қилаётган устозлар ҳиссасини ҳам алоҳида эътироф этиш керак. Ўғлим Нурбекнинг бу кичик муваффақияти юртимизда яратилаётган шароитлар, фидойи устозларимизнинг заҳматли меҳнатлари маҳсули, деб биламан.
Нурбек Бағдод туманидаги 1-умумий ўрта таълим мактабининг 6-синфида ўқиш билан бирга дарсдан бўш вақтларида болалар мусиқа ва санъат мактабида устозлари — Анваржон Насриддинов ҳамда Дилшоджон Абдуллаевдан доира сирларини қунт билан ўрганади. У доирачиликка чин дилдан меҳр қўйган.
— Бу — дастлабки халқаро муваффақиятим, — дейди Нурбек. — Келгусида ҳам устозларим, оила аъзоларим ва халқимиз ишончини оқлашга ҳаракат қиламан.
Юртимизда Нурбек сингари истеъдод соҳиблари кўп. Улар ҳар йили турли даражадаги кўрик-танловларда ғолиб ва совриндорлар сафидан жой олиб келяпти. Бир пайтлар ҳатто ўз қишлоғидан чиқмаган ўзбек боласи бугун жаҳоннинг марраларини забт этаётганини кўрганда беихтиёр шу кунларга етказганига шукроналар айтамиз.
Жонибек МИРЗАУМАРОВ,
Гулхумор ИСОҚБОЕВА,
Бағдод академик лицейи ўқитувчилари
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Батафсил
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Батафсил
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Батафсил
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Ўзбекистон Президенти Шавкат Мирзиёевнинг очиқ ва прагматик ташқи сиёсати, узоқ ва яқин давлатлар билан ўзаро муносабатларни мустаҳкамлаш борасидаги ташаббуслари туфайли сўнгги йилларда қўшни, яқин ва узоқ мамлакатлар билан мутлақо янги – соғлом сиёсий ва иқтисодий алоқалар йўлга қўйилди.
Кеча Олий Мажлис Қонунчилик палатасининг навбатдаги йиғилишида халқимиз ҳаётини янада қулай ва фаровонлаштиришга қаратилган бир қатор қонун лойиҳалари кўриб чиқилди. Депутатларнинг қизғин муҳокамасидан ўтган лойиҳалар маъқулланиб, Сенатга юборилди.
