Пайшанба
16-Апрел 2026
Бугунги кунда «Матбуот тарқатувчи» акциядорлик компанияси даврий нашрларни тарқатишни 117 йўналишда, қарийб 18 минг километр масофада амалга оширади. Компания ва унинг тизимидаги корхоналар орқали республика ва маҳаллий миқёсдаги барча босма даврий нашрлар тарқатилади.
— Республика миқёсидаги босма даврий нашрларни обуначиларга Тошкент шаҳри ва вилоятлар марказларига улар чоп этилиб, компанияга тақдим этилган куни, туманлар марказига кейинги кунигача ҳамда қолган аҳоли пунктларига босилган кундан учинчи кунигача бўлган даврда етказиб берилади, — дейди «Матбуот тарқатувчи» компанияси Истиқболли ривожлантириш ва молия бўйича директори Маҳмуд АРИПОВ. — Ушбу қоидани компания масъул ходимлари қатъий назоратга олган бўлиб, бу доимий мониторинг қилиб борилади. Агар етказиб бериш масаласида бирор бир камчилик ёки муаммо келиб чиқса, у зудлик билан бартараф этилади.
М.Ариповнинг сўзларига кўра, бозорнинг ўзига хос хусусиятларидан бири бу — босма даврий матбуот маҳсулотлари, айниқса, газеталарнинг ҳаётий даври жуда қисқа бўлиб, тизимда уларни тўғридан-тўғри олиб келиб саралаш ва ададларини бир томонлама ҳамда қайта етказиб бериш компаниядан катта логистик машаққат ва харажатни талаб қилади. Энг асосийси, транспорт-омбор логистикасидир. Битта «Матбуот» киоскининг нархи ўртача 35-37 миллион сўмни ташкил этади. Барча харажатни ҳисоблаганда, ҳар бир янги киоскни савдо жойига ўрнатиш компанияга ўртача 39 миллион сўмга тушади.
Шу боис киосклар харажатларини қоплаш, унинг рентабеллигини ошириш мақсадида қўшимча хизмат тури ва сотиладиган товарлар ассортиментини кўпайтириш бўйича ишлар олиб бориляпти. Хориж тажрибасига таянган ҳолда «Матбуот» киоскларининг вазифалари кенгаймоқда. Улар аҳолига бир неча, жумладан, ахборот, рекламага оид, турли хилдаги тўловларни қабул қилиш, интернет-магазинларнинг буюртмаларини бажариш каби хизмат турларини кўрсатиши йўлга қўйилган.
Анъанавий «Матбуот» киосклари тез орада ҳозирги даврнинг талаб ва таклифига асосан, замонавийлаштирилади. Улар умумий мультимедиа марказларига айлантирилади. Бунда аҳолига ижтимоий аҳамиятга эга, хусусан, тўлов терминаллари, интерактив карта, Wi-Fi орқали маълумотларни узатиш, интернет буюртмаларини бериш, уларни етказиш каби хизмат турларини кўрсатадиган объектларга модернизация қилиш юзасидан ишлар амалга оширилади.
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Батафсил
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Батафсил
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Батафсил
Олий Мажлис Қонунчилик палатасининг навбатдаги мажлисида мамлакат хавфсизлиги ва фуқароларнинг ижтимоий ҳимоясини кучайтиришга қаратилган бир қатор муҳим қонун лойиҳалари кўриб чиқилди.
Давлатимиз раҳбари тадбирда нутқ сўзлар экан, халқимиз азал-азалдан Наврўз кунларида, оиласида фарзанд туғилганда томорқасига, майдон ва хиёбонларга, йўл четларига яхши ният билан кўчат қадаб, гул-у райҳонлар экканини таъкидлади.
Президент Шавкат Мирзиёев 23 март куни экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар юзасидан тақдимот билан танишди.
Олий Мажлис Қонунчилик палатасининг навбатдаги мажлисида ҳуқуқбузарликларнинг олдини олиш ва уларга қарши курашиш самарадорлигини кенгайтириш, суд ҳокимияти органлари фаолиятини молиялаштириш, аҳолининг молиявий хатарлар ҳақида хабардорлигини ошириш, саноат хавфсизлиги тизимини мустаҳкамлаш ҳамда креатив иқтисодиётни ривожлантиришга доир қатор қонун лойиҳалари атрофлича кўриб чиқилди.
Олий Мажлис Қонунчилик палатаси Экология ва атроф-муҳитни муҳофаза қилиш масалалари қўмитаси ҳамда Ўзбекистон Экологик партияси фракциясининг «Атмосфера ҳавосини муҳофаза қилиш тўғрисида»ги Қонун ижро этилиши ҳолати Тошкент ва Навоий вилоятлари мисолида назорат-таҳлил тартибида ўрганиш якунларига бағишланган йиғилиши бўлиб ўтди.
