Душанба
24-Август 2026
Кенг ва ёруғ хона, замонавий мебель жиҳозлари, болалар ва ота-оналар фойдаланиши мумкин бўлган кутубхона, мазали таомлар, спорт ва мусиқа хоналари... Энди мамлакатимиздаги мактабгача таълим муассасалари шундай шароитлар билан тўлиқ таъминланади.
Президентимиз Шавкат Мирзиёевнинг 2016 йил 29 декабрда қабул қилинган «2017–2021 йилларда мактабгача таълим тизимини янада такомиллаштириш чора тадбирлари тўғрисида»ги қарори ижроси доирасида бу борада муҳим қадамлар қўйилмоқда.
Тошкент вилояти Қибрай туманидаги 10-сонли мактабгача таълим муассасаси мисолида бунинг амалий исботини кўрдик. У ерга кирган ҳар бир ота-онанинг кўнглидан «Қанийди, менинг фарзандим ҳам шундай жойнинг тарбияланувчиси бўлса», деган фикр ўтиши тайин. 200 ўринга мўлжалланган муассасада болалар таълим-тарбия олиши учун ҳамма шароит етарли. Ҳатто, боғчага қатнамайдиган болаларни мактабга тайёрлаш учун қисқа муддатли гуруҳлар ташкил этилган.
Кичик ёшданоқ китобга муҳаббат уйғотиш учун гуруҳларда ташкил этилган китоб бурчагида турли эртак ва мантиқий фикрлашни ўстирадиган китоблардан тортиб, тайёрлов гуруҳларига мўлжалланган қўлланмаларгача муҳайё. Мусиқа, спорт, тасвирий санъат ва инглиз тили машғулотлари болакайларнинг ҳам жисмонан, ҳам маънан камол топиши учун хизмат қилиши аниқ.
— Бугун 2 — 7 ёшли болаларнинг 27 фоизи мактабгача таълим муассасаларига қатнайди. 2021 йилга қадар уларнинг сонини 1,5 баробарга ошириб, 45 фоизга етказиш кўзда тутилмоқда, — дейди халқ таълими вазири ўринбосари Дилшод КЕНЖАЕВ. — Мактабгача таълим муассасаларида 5-6 ёшли болаларни мактабга тайёрлаш бўйича қўшимча 6100 та қисқа муддатли гуруҳлар ташкил этилиши режалаштирилган. 2200 та боғчанинг моддий-техник базасини мустаҳкамлаш, жумладан, қишлоқларда замонавий мактабгача таълим муассасаларини қуриш учун 2,2 триллион сўм маблағ ажратилиши кўзда тутилган.
Беш ёшгача боланинг маълумот қабул қилиш имконияти 70 фоизни ташкил этар экан. Бу далил мактабгача таълим тизими бола таълим-тарбияси учун нақадар аҳамиятли эканини кўрсатади.
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Батафсил
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Батафсил
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Батафсил
Бугун сиёсий партиялар маҳаллий Кенгашлар фаолиятида ўз дастурий мақсадларини амалга ошириш воситаси сифатида партия гуруҳлари институти имкониятларидан фойдаланишга алоҳида эътибор қаратмоқда. Партия гуруҳлари фаолияти миллий қонунчиликда белгиланган ваколатлар асосида амалга оширилиб, маҳаллий вакиллик органларида сиёсий плюрализм ва депутатлик назоратини таъминлашга хизмат қилмоқда.
Инсонда табиатга оқилона муносабатда бўлиш, уни асраб-авайлаш ва атроф-муҳит софлиги учун масъулият ҳисси ёшликдан, оиладан ҳамда таълим-тарбия даргоҳларидан бошланадиган узлуксиз маънавий ва маърифий жараёндир.
Ўзбекистон бундан ўн йил бурун қандай эди, ҳаётимиз, шароитларимиз, туриш-турмушимиз, тафаккуримиз, бийрон тилимизнинг ҳоли нечоғли эди ўша пайтларда?!
Иқлим ўзгариши, сув танқислиги, ҳаво ифлосланиши ва биохилма-хилликнинг қисқариши инсониятдан бугунги куннинг ўзида амалий ҳаракатларни талаб қилмоқда.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда дастлаб фракцияларда атрофлича кўриб чиқилган, давлат бошқаруви ва жамият хавфсизлиги учун ғоят муҳим бўлган бир қатор қонун лойиҳалари депутатлар томонидан қизғин муҳокама қилинди.
