Депутатлар Жиззахдаги аҳволни ўрганишмоқда
Сиз ўзингиз сайлаган депутатлар аслида қандай фаолиятни амалга оширишларидан қанчалик хабардорсиз? Бошқача айтганда, депутатнинг асосий вазифаси нималардан иборат эканини биласизми?..
БатафсилҲар бир инсон учун муқаддас бир гўша борки, у оила деб аталади. Оила — қон-қариндошлар жамулжам бўладиган севимли маскан.
Шу боис ҳам инсон ким бўлишидан қатъи назар доимо оиласига интилади, талпинади. Ҳаёти давомида оилавий қадриятлар негизида улғаяди, таълим олиш ва атрофдагилар билан яқин мулоқотга киришиш, содир бўлаётган воқеа-ҳодисаларга муносабат билдириш орқали тарбия топади ва камолга етади.
Инсон ҳуқуқлари бўйича Ўзбекистон Республикаси Миллий маркази, Ўзбекистон «Маҳалла» хайрия жамоат фонди, «Камолот» ёшлар ижтимоий ҳаракати, Республика «Оила» илмий-амалий маркази ҳамкорлигида ўтказилган «Болаларни оилада тарбиялаш — оилавий қадриятларни шакллантиришнинг асосий мезони» мавзусидаги давра суҳбатида айни шу хусусида сўз юритилди.
— Маънавий жиҳатдан бой ва соғлом оила муҳитида тарбия топган бола келажакда чинакам инсон бўлиб етишади, — деди Республика «Оила» илмий-амалий маркази психология бўлимининг етакчи илмий ходими, психология фанлари номзоди Феруза Акрамова. — Аввало, боладаги яхши фазилатларни шакллантиришни даставвал тарбия ўчоғи бўлган муқаддас маскан — оиладан бошлаш талаб этилади. Халқимизда қадимдан бола тарбиясида нафақат ота-она, барча — маҳалла, қўни-қўшни ҳам фаол иштирок этади. Бу эса ўсиб келаётган ёш авлодни вояга етказишда азалий қадриятларимизнинг ўрни қанчалик беқиёс эканидан далолатдир.
Бу ишга ҳисса қўшиш мақсадида марказимизда таълим муассасаларида таҳсил олаётган ўқувчилар ўртасида оилаларда бола тарбияси, ота-она ва фарзанд муносабатларига доир махсус сўровномалар ўтказилиб, улар асосида тегишли рисола ва тавсияномалар ишлаб чиқиш йўлга қўйилган.
— Юртимизда бола ҳуқуқларининг таъминланиши бир қанча меъёрий-ҳуқуқий ҳужжатлар билан кафолатланган, — деди Инсон ҳуқуқлари бўйича Ўзбекистон Республикаси Миллий маркази Инсон ҳуқуқлари бўйича Таълим бўлими етакчи мутахассиси Нодир Муҳиддинов. — Мамлакатимиз аҳолисининг ярмидан кўпи, аниқроғи, 60 фоиздан зиёдини 30 ёшгача бўлган ёшлар, учдан икки қисмини эса 18 ёшгача бўлган болалар ташкил этгани боис, инсон ҳуқуқлари ва эркинликлари соҳасида давлат сиёсатининг устувор йўналиши болалар ва ёшларнинг жисмоний, интеллектуал ва маънавий ривожланиши учун қулай, энг яхши шароит ҳамда имкониятларни яратиш, шунингдек, кўп болали оилаларни, етим болаларни ва оила муҳитидан маҳрум бўлган болаларни ҳар томонлама қўллаб-қувватлаш ҳисобланади. Ўзбекистон Республикаси Президенти вазифасини бажарувчи Шавкат Мирзиёев томонидан 2016 йил 14 сентябрда имзоланган «Ёшларга оид давлат сиёсати тўғрисида»ги Қонун мамлакатимизда бола ҳуқуқларини таъминлаш тизимининг янада такомиллашишига хизмат қилади.
— Дарҳақиқат, боладаги феъл-атвор, ирода, хулқ-одоб, атрофга муносабат, миллий дунёқараш ҳамда эътиқод, аввало, оилада вужудга келади, — дейди ТДЮУ ҳузуридаги академик лицей кафедра мудири Феруза Лутфуллаева. — Мамлакатимизда баркамол авлодни тарбиялашда, энг аввало, оилаларни мустаҳкамлашга алоҳида эътибор қаратилаётгани эътирофга лойиқ. Шу билан бирга, ёш авлодни тарбиялашда оила институти ва фуқароларнинг ўзини ўзи бошқариш органларининг таълим муассасалари билан ўзаро ҳамкорлигини янада ривожлантириш, мустаҳкамлаш ва самарадорлигини ошириш муҳим вазифаларимиздан бўлиб келяпти. Бу борада «Оила – маҳалла – таълим муассасаси» ҳамкорлиги йўлга қўйилган. Амалга оширилаётган барча чора-тадбирлар ягона мақсад — фарзандларимизни чинакам инсон сифатида тарбиялашга қаратилган.
Муборакхон ЁҚУБОВА,
Инсон ҳуқуқлари бўйича
Миллий марказ ходими
Сиз ўзингиз сайлаган депутатлар аслида қандай фаолиятни амалга оширишларидан қанчалик хабардорсиз? Бошқача айтганда, депутатнинг асосий вазифаси нималардан иборат эканини биласизми?..
БатафсилАндижон ҳақида сўз кетганида, авваламбор, ўзбек халқининг кўп асрлик маданияти пойдевори бўлган анъналарни асраб келаётган, меҳмондўст, мард ва танти инсонлар умргузаронлик қилаётган табаррук замин кўз олдимизда намоён бўлади. Андижон Ўзбекистоннинг йирик маданият марказларидан биридир.
БатафсилБугун 8 март – Халқаро хотин-қизлар куни! Ушбу байрам билан муҳтарама онахонларимиз, қадрли опа-сингилларимиз, гўзал қизларимизни табриклаган ҳолда, мамлакатимиз қонунчилигига асосан аёлларга берилган айрим имтиёзлар билан таништириб ўтишни лозим топдик.
Батафсил