Пайшанба
30-Апрел 2026
Ўзбекистон ва Тожикистон мактаб ўқувчилари иштирокида «Зарафшон дарёси. Умумий экотизим – умумий ғамхўрлик» халқаро экомарафони ўтказилди.
Ўзбекистон ва Тожикистон республикалари экология ва атроф-муҳитни муҳофаза қилишга масъул идоралари томонидан ташкил этилган тадбирдан кўзланган мақсад – ўқувчилар ўртасида трансчегаравий ҳамкорликни ривожлантириш ва табиатга эҳтиёткор муносабатни шакллантиришдир.
Халқаро эко-марафон кичик форматда бошланди ва унда Ўзбекистондан Жомбой туманидаги 33 ва 36-мактаблар ҳамда Тожикистондан Панжикент тумандаги 22-мактаб ўқувчиларидан иборат жамоалар иштирок этди.
Марафонда жамоалар бир-бирлари билан онлайн мулоқот қилиб, бир неча кун давомида табиатимиз қанчалик ўхшаш ва ўзига хослигини ўргандилар. Улар биргаликда илмий тадқиқот ва ижодий эко-топшириқларни бажариб, сўнг натижалар билан ўзаро бўлишдилар.
Экомарафон шартларига кўра, жамоалар ўз ҳудуди табиатидан 3-5 та сурат олиб, бир-бирлари билан алмашдилар ва суратларидаги 2 та ўхшашлик ҳамда 2 та фарқ топиб, гапириб беришди. Шунингдек, улар ўз мамлакати табиати ҳақида 5 тадан савол тузиб, бир-бирларининг табиат ҳақидаги билимларини синовдан ўтказдилар. Табиатга сайр ва бу сайр чоғида кўрган-кечирганларини баён этиш билан ўз ҳудудлари иқлими, ўсимлик ва ҳайвонот дунёси ҳақида маълумот беришди.
Ташкилотчиларнинг қайд этишича, марафон болаларга табиатни асраш ҳаммамизнинг умумий вазифамиз эканлигини тушунишга ёрдам берди. Шунинг учун келгуси йилда мазкур экомарафонни янада кўпроқ мактабларни жалб қилган ҳолда ўтказиш режалаштирилди.
Ғ.Ҳасанов,
ЎзА мухбири
Мактаб даражасида яхши билимга эга инсон экологияга ҳеч қачон зарар етказмайди. Албатта, агар унда экологик маданият кучли бўлса. Нима учун мактаб даражасида деяпмиз?
Батафсил
«Инсонлар ер юзига келишидан олдин вулқонлар ва иқлим ўзгаришлари натижасида ҳаёт қайта шаклланган». Янги Зеландияда топилган миллион йиллик ғорни ўрганган мутахассислар шундай хулосага келишди.
Батафсил
Боланинг тасаввури соф ойна. Унда борлиқ қандай бўлса, шундай акс этади. Яқинда юртимиз бўйлаб ўтказилган «Табиат болалар нигоҳида» республика расмлар танловининг якунлари бизни ана шу ойнага боқишга мажбур қилди. Аслида, мақсадимиз жажжи ижодкорлар қалбидаги гўзалликни кўриш, уларни табиатга меҳр руҳида тарбиялаш эди.
Батафсил
Мактаб даражасида яхши билимга эга инсон экологияга ҳеч қачон зарар етказмайди. Албатта, агар унда экологик маданият кучли бўлса. Нима учун мактаб даражасида деяпмиз?
«Инсонлар ер юзига келишидан олдин вулқонлар ва иқлим ўзгаришлари натижасида ҳаёт қайта шаклланган». Янги Зеландияда топилган миллион йиллик ғорни ўрганган мутахассислар шундай хулосага келишди.
Боланинг тасаввури соф ойна. Унда борлиқ қандай бўлса, шундай акс этади. Яқинда юртимиз бўйлаб ўтказилган «Табиат болалар нигоҳида» республика расмлар танловининг якунлари бизни ана шу ойнага боқишга мажбур қилди. Аслида, мақсадимиз жажжи ижодкорлар қалбидаги гўзалликни кўриш, уларни табиатга меҳр руҳида тарбиялаш эди.
Сирдарё вилояти Ховос туманида бугун табиат билан инсон ўртасидаги азалий боғлиқлик яна бир бор ўз ифодасини топмоқда. «Яшил макон» умуммиллий лойиҳаси доирасида амалга оширилаётган ишлар нафақат табиатга яшил либос кийгизмоқда, балки одамлар ҳаётига умид, хонадонларга барака олиб кирмоқда.
Нурота тоғ тизмаларини гумбурлатиб қўшиққа солган Эргаш Жуманбулбул ўғли Қўшработ туманининг Қўрғон қишлоғида туғилиб, вояга етган. Жўш воҳаси дея тарифланадиган бу жой кейинги йилларда янада обод бўлаётир. Эргаш Жуманбулбул ўғлининг уй-музейи янгиланган бинода ўз фаолиятини бошлади. Эргаш шоирнинг уй-музейини кўргани келувчилар сезиларли даражада ошди.
