Мингдан ортиқ кўчиб юрувчи тур йўқолиб кетиш хавфи остида
Ер сайёрасидаги ҳар бир жонзот, ўсимлик ва ҳайвонот олами она табиат яхлитлигини, экотизим бутунлигини ташкил этади.
БатафсилБоғот туманида сўнгги йилларда экологик маданиятни шакллантириш ва чиқиндиларни тўғри бошқариш борасида ижобий силжишлар кузатилмоқда.
Аҳоли билан олиб борилаётган мулоқот, тушунтириш-тарғибот ишлари натижасида бир қатор ҳудудларнинг тозалиги таъминланди, белгиланмаган жойларда чиқинди тўплаш ҳолатларига чек қўйилди. Аммо айрим маҳаллалардаги мавжуд вазият муаммонинг ҳалигача чуқур ва жиддийлигини кўрсатмоқда.
Расмий маълумотларга кўра, туманда йил давомида 10-12 минг тоннага яқин маиший чиқинди ҳосил бўлади. Шундан муайян қисми махсус полигонларга олиб чиқилаётган бўлса-да, кўплаб маҳаллаларда чиқиндиларни белгиланган тартибда йиғиш тизими тўлиқ йўлга қўйилмаган. Махсус контейнерлар сони атиги 200 дона атрофида бўлиб, бу 100 фоиз қамров учун етарли эмас.
Туман бўйича 9 мингдан ортиқ хонадон мавжуд бўлса, шундан 1000-1200 таси чиқиндиларни тартибли топширади. Қолганларида эса ҳали чиқиндини саралаш ва вақтида олиб чиқиш кўникмаси шаклланмаган. Бу эса уюм-уюм чиқинди тўпланиб қолишига, санитария-гигиена талабларининг бузилишига олиб келмоқда.
«Олтинқум Эко кластери» бу борада ижобий ташаббус кўрсатмоқда. Кластер томонидан ойига 50-55 тонна, йилига эса 600 тоннага яқин чиқинди йиғилиб, қайта ишлашга юборилмоқда.
Бироқ бу туман бўйича ҳосил бўладиган чиқиндининг атиги 5-6 фоизини ташкил этади. Яъни, 94 фоиздан ортиқ чиқинди ҳали ҳам тўлиқ бошқарув тизимига киритилмаган.
Мутахассислар фикрича, агар мавжуд инфратузилма кенгайтирилмаса ва тушунтириш ишлари кучайтирилмаса, яқин 3-5 йилда йиғилмай қоладиган чиқиндилар ҳажми кескин ошиб кетади. Бу эса атроф-муҳит ифлосланиши, ер ва сув ресурсларининг зарар кўришига олиб келиши мумкин.
Шу боис Ўзбекистон Экологик партияси Боғот туман кенгаши ташаббуси билан жойларда тушунтириш ишлари кучайтирилмоқда, жамоатчилик назорати йўлга қўйилмоқда. Мақсад – чиқиндиларни саралаб йиғиш, қайта ишлаш қувватларини кенгайтириш ва аҳолининг экологик маданиятини юксалтиришдир.
Эколог мутахассислар таъкидлаганидек, чиқинди – бу муаммо эмас, тўғри ёндашилганда иқтисодий ресурсдир. Муҳими, бу тизимни бутун туман миқёсида изчил йўлга қўйишга эришишдир.
Асадбек ОТАБОЕВ,
ЎЭП Боғот туман кенгаши раиси
Ўхшаш мақолалар
Браконьерликка қарши биргаликда курашамиз
Мақсад – Ўзбекистон Республикасининг «Экологик назорат тўғрисида»ги, «Табиатни муҳофаза қилиш тўғрисида»ги ва «Ҳайвонот дунёсини муҳофаза қилиш ва ундан фойдаланиш тўғрисида»ги қонунлари ижросини таъминлаш, браконьерликка қарши қатъий чоралар кўришдир.
Батафсил
Боғотда Экопартия боғи
«Яшил макон» умуммиллий лойиҳаси доирасида ҳар йили мамлакатимиз бўйлаб 125 миллион тупдан ортиқ кўчат экилиб, барқарор экологик муҳит яратишга катта эътибор қаратилмоқда.
Батафсил
Кўп ўқилганлар
-
Мингдан ортиқ кўчиб юрувчи тур йўқолиб кетиш хавфи остида
Ер сайёрасидаги ҳар бир жонзот, ўсимлик ва ҳайвонот олами она табиат яхлитлигини, экотизим бутунлигини ташкил этади.
-
Браконьерликка қарши биргаликда курашамиз
Мақсад – Ўзбекистон Республикасининг «Экологик назорат тўғрисида»ги, «Табиатни муҳофаза қилиш тўғрисида»ги ва «Ҳайвонот дунёсини муҳофаза қилиш ва ундан фойдаланиш тўғрисида»ги қонунлари ижросини таъминлаш, браконьерликка қарши қатъий чоралар кўришдир.
-
Боғотда Экопартия боғи
«Яшил макон» умуммиллий лойиҳаси доирасида ҳар йили мамлакатимиз бўйлаб 125 миллион тупдан ортиқ кўчат экилиб, барқарор экологик муҳит яратишга катта эътибор қаратилмоқда.
-
Қуёш электр станциялари биологик хилма-хилликка қандай таъсир қилади?
Кўп ҳолларда қуёш панеллари ўрнатилиши табиат учун хавф деб қаралади, гўёки улар ўсимликлар ўсишини тўсади, ҳайвонлар яшайдиган жойни қисқартиради. Аммо Нидерландияда ўтказилган янги тадқиқот бу фикрни қисман инкор қилди. Яъни айрим ҳолларда қуёш электр станциялари аксинча, биологик хилма-хилликка ижобий таъсир кўрсатиши мумкинлиги аниқланган.
-
10 кунда белгиланмаган жойга чиқинди ташлаш билан боғлиқ қанча ҳолат аниқланди?
Айни дамда мамлакатимиз бўйлаб тозалик ва озодалик ойлиги давом этмоқда. Ойлик доирасида Экология, атроф-муҳитни муҳофаза қилиш ва иқлим ўзгариши вазирлиги, Бош прокуратура, Миллий гвардия ва Ички ишлар вазирлиги ходимларидан иборат ишчи гуруҳ тузилиб, атроф-муҳитни ифлослантириш билан боғлиқ ҳуқуқбузарликлар ўрганилмоқда ва тегишли чоралар кўрилмоқда.