Пайшанба
23-Октябр 2025
Инсоният иссиқхона эффекти, иссиқхона газлари ҳақида бир асрдан кўпроқ вақт давомида хабардор. 1896 йилда иссиқхона газлари концентрациясининг ошиши сабабли сайёрадаги ҳароратнинг ошиши ҳақида илк бор башорат қилинган. Бугунги кунда уларнинг атмосферадаги сони саноат инқилобидан олдинги даврга нисбатан 43 фоизга ошди ва Ернинг ўртача ҳарорати олимлар башорат қилган қийматгача кўтарилди.
Атмосферага иссиқхона газлари чиқиндилари назоратсиз равишда тарқалишда давом этса, олимлар бунинг узоқ муддатли жиддий оқибатларга олиб келишидан қўрқишмоқда: булар, дунё тартибининг бузилиши, кенг кўламли миграция, Ер тарихидаги ўсимликлар ва ҳайвонларнинг олтинчи оммавий йўқ бўлиб кетишининг тезлашиши, музликлар эриши, денгиз сатҳининг кўтарилиши ва дунёнинг қирғоқбўйи шаҳарларининг кўп қисмини сув босиши каби оқибатлардир. Ушбу хавфларни келтириб чиқарадиган газлар ҳозирдан ўз таъсирини кўрсатмоқда ва бу биз учун олдимизда турган бир қатор саволлар борасида бош қотириш учун бир имкониятдир.
Бу масала Ўзбекистон Экологик партияси фракцияси депутутларининг ҳам диққат марказида. Жорий йилнинг 20 июнь куни Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилиши бўлиб ўтди. Унда фракция аъзолари томонидан бир қатор қонун лойиҳалари муҳокама этилди.
Йиғилишда дастлаб депутатлар томонидан «Иссиқхона газларининг чиқарилишини чеклаш тўғрисида»ги қонун лойиҳаси биринчи ўқишда кўриб чиқилди.
– Бугунги кунда миллий қонунчилигимизда иссиқхона газлари чиқарилишини тартибга солувчи қонун ва норматив ҳуқуқий база яратилмаган. Бу эса мамлакатимизда иссиқхона газларининг чиқарилишини камайтиришда иқтисодий, технологик ва экологик йўналишлар бўйича халқаро ҳамкорликни йўлга қўйиш имкониятларини чекламоқда, – дейди фракция аъзоси Ислом Хушвақтов.
Қонун лойиҳаси билан иссиқхона газлари чиқарилишини чеклашнинг асосий принциплари, қисқартирилган иссиқхона газларига эгалик муносабатлари, иссиқхона газлари чиқарилишини чеклаш соҳасидаги давлат органларининг ваколатлари, иссиқхона газларининг чиқарилишини давлат томонидан ҳисобини юритиш тартиб-қоидалари белгиланмоқда.
Бундан ташқари, иссиқхона газларининг чиқарилишини чеклаш чораларини мониторинг, ҳисоботи ва верификация тизими асослари ва тартиби, иссиқхона газларининг чиқарилишини чеклаш соҳасидаги юридик шахс ва якка тартибдаги тадбиркорларнинг ҳуқуқ ва мажбуриятлари белгилаб қўйилмоқда.
Депутат Ислом Хушвақтовнинг таъкидлашича, ушбу ҳужжат Ўзбекистон Экологик партияси дастурий мақсадларига ҳамоҳанг бўлиб, лойиҳанинг қабул қилиниши мамлакатимизда иқлим ўзгариши бўйича олиб борилаётган ислоҳотларнинг жадаллашишига, бу йўналишдаги ҳамкорлик лойиҳаларини самарали амалга ошириш ҳамда Ўзбекистон Республикаси иқтисодиётининг барқарор ривожланиши учун зарур шароит яратишга хизмат қилади.
Қизғин муҳокамалардан сўнг қонун лойиҳаси қўллаб-қувватланди. Кун тартибига киритилган бошқа масалалар ҳам атрофлича кўриб чиқилиб, тегишли қарор қабул қилинди.
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Батафсил
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Батафсил
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Батафсил
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида бир қатор қонун лойиҳалари биринчи ва иккинчи ўқишда муҳокама қилинди. Хусусан, «Суд-экспертлик фаолияти тўғрисида»ги қонун лойиҳаси фракция аъзолари томонидан биринчи ўқишда кўриб чиқилди.
Ўзбек адабий тили сўз бойлигининг такомиллашувида ташқи манба, яъни бошқа тиллардан кирган сўзлар сезиларли ўрин эгаллагани, унинг луғат таркибида санскрит, суғд, хитой, юнон, араб, мўғул, форс-тожик, қадимий яҳудий, рус ва рус тили орқали бошқа Европа тилларидан ўзлашган сўзлар хусусида манбалар, илмий тадқиқотлар ҳамда луғатларда кўплаб маълумотлар учрайди.
Куни кеча Олий Мажлис Қонунчилик палатасининг навбатдаги мажлиси бўлиб ўтди. Унда мамлакатимиз ижтимоий-иқтисодий ҳаётида муҳим аҳамиятга эга бўлган бир қатор қонун лойиҳалари кўриб чиқилиб, депутатлар томонидан қабул қилинди.
Ўзбекистон Президенти Шавкат Мирзиёевнинг очиқ ва прагматик ташқи сиёсати, узоқ ва яқин давлатлар билан ўзаро муносабатларни мустаҳкамлаш борасидаги ташаббуслари туфайли сўнгги йилларда қўшни, яқин ва узоқ мамлакатлар билан мутлақо янги – соғлом сиёсий ва иқтисодий алоқалар йўлга қўйилди.
Кеча Олий Мажлис Қонунчилик палатасининг навбатдаги йиғилишида халқимиз ҳаётини янада қулай ва фаровонлаштиришга қаратилган бир қатор қонун лойиҳалари кўриб чиқилди. Депутатларнинг қизғин муҳокамасидан ўтган лойиҳалар маъқулланиб, Сенатга юборилди.
