Италиянинг «Bertone» компанияси чиқиндиларда ишлайдиган дунёдаги биринчи «GB110» номли автомобилни намойиш этди. Қайд этилишича, автомобиль пластик чиқиндилардан қайта ишланган синтетик ёқилғида юради.

Маълумотларга кўра, автомобиль 1100 от кучига эга 5,2 литрли В10 двигатели билан жиҳозланган. У 100 км/соат тезликка 2,79 сонияда, 200 км/соат тезликка эса 4 сонияда эришади.

Компания ҳозирча 100 км/соат тезлашувни кўрсатмаган, бироқ автомобиль 12,9 сонияда 300 км/соат тезликка эришади, максимал тезлик эса 350 км/соат деб айтилган. Компания «Select Fuel» билан ҳамкорликда поликарбонат материалларини мотор ёқилғисига айлантириш технологиясини ишлаб чиққанини маълум қилди. Янги модель эса бундай ёқилғида ишлайдиган биринчи автомобилга айланди.

«Bertone GB110»нинг жами 33 нусхасини ишлаб чиқариш режалаштирилган, бироқ нархи ҳали эълон қилинмаган.