Она табиатни асрашда бизнинг ҳам улушимиз бор
Бугун барча соҳалар жадаллик билан ривожланиб боргани сайин дунё бўйлаб янги-янги технологиялар, турли хилдаги корхоналар сони жадал ўсиб бормоқда.
БатафсилЕр соати ёввойи табиат умумжаҳон фонди томонидан глобал миқёсда ўтказиладиган тадбир. Ушбу тадбир биринчи бўлиб 2007 йил Австралияда ташкил этилган. Ҳар йили март ойининг охирги шанбасида ўтадиган тадбирда чироқлар бир соатга ўчирилади. Шаҳарларнинг асосий чироқлари бундан мустасно. Тадбирдан кўзланган мақсад энергияни тежаш ва атроф-муҳитни муҳофаза қилишга эътиборни жалб қилишдан иборат.
Юртимизда ҳам 25 март куни «Ер соати» тадбири бўлиб ўтди ва барча давлат ташкилотларида бир соатга электр энергияси ўчирилди.
Ўзбекистон Экологик партияси барча юртдошларимизни ушбу акцияда фаол иштирок этишга ва электр энергиясини бир соатга ўчиришга чақирди. Зеро, мана шу бир соатда жуда катта табиий ресурсларнинг тежалишига ҳисса қўшган бўламиз.
Чақириққа лаббай деган ҳолда Ўзбекистон Экологик партияси Шайхонтоҳур туман кенгаши ташаббуси билан пойтахтимиздаги 186-сонли ўрта таълим мактабида экологик акция ташкил этилди. Унда Ўзбекистон Экологик партияси «Аёллар қаноти» аъзолари, Шайхонтоҳур тумани ҳокимлиги вакиллари, «Кўкча дарвоза» МФЙ раиси ва фаоллари, мактаб ўқитувчилари иштирок этди.
Экопартия Шайхонтоҳур туман Кенгаши раиси, Халқ депутатлари Шайхонтоҳур туман Кенгаши депутати Саидрасул Расулев мактабда соат 11:00 дан 12:00 га қадар чироқларни тармоқдан узиб, мактаб ҳудудида ободонлаштириш ва кўкаламзорлаштириш ишларини ўтказиш таклифини бериб, барчани мазкур тадбирда фаол иштирок этишга чорлади. «Бу билан сиз Ернинг табиий бойликларини асраб-авайлашга ўз ҳиссангизни қўшасиз ва бошқаларни ҳам сайёрамизга ғамхўрлик қилишга руҳлантирасиз» – дея таъкидлаб ўтди С.Расулев.
Мактаб ҳовлисига «Яшил макон» умуммиллий лойиҳаси доирасида мевали ҳамда манзарали дарахт кўчатлари экилди.
ЎЭП Тошкент шаҳар Кенгаши
Бугун барча соҳалар жадаллик билан ривожланиб боргани сайин дунё бўйлаб янги-янги технологиялар, турли хилдаги корхоналар сони жадал ўсиб бормоқда.
БатафсилМиришкор деҳқон йил ўн икки ой меҳнат қилади, деб бежиз айтилмаган. Ҳақиқатан ҳам ердан ризқ ундиришдек олий мақсадни олдига қўйган одам ҳар доим она замин билан тиллашиб яшайди.
БатафсилҚорақалпоғистон Республикаси мамлакатимизнинг қушлар ва ҳайвонот дунёси жуда бой минтақаси саналади.
Батафсил