Айни қиш чилласида ёғингарчиликлар кўп бўлишини кўпчилик кутмаган бўлса керак. Ахир, кейинги йилларда қиш фаслининг баҳор ҳавосидек илиқ кечишига кўникиб бўлган эдик.
Бу йил эса Ўзбекистон қиши қор-қировли келди. Тоғли ҳудудларда қорнинг ҳар қачонгидан кўпроқ ёғиши кузатилди. Бундай пайтда иссиққина ўринни тарк этиб, табиат муҳофазаси билан шуғулланишнинг ўзи бўлмайди. Бунинг учун кишининг виждони уйғоқ бўлиши керак.
Сурхондарё вилояти Экология, атроф-муҳитни муҳофаза қилиш ва иқлим ўзгариши бошқармаси ходимларидан иборат тезкор гуруҳининг навбатдаги тадбирлари айни қор бўралаб ёғавериб, бир метрга етган паллага тўғри келди.
Қалин қор туфайли машиналари ботиб қолган тадбир иштирокчилари юқори тоғ чўққиларига пой-пиёда тирмашиб, қушлар ва ҳайвонларга озуқа улашдилар.
Қорли изғирин ва туманли соатларда чўққига қараб қоп орқалаб кетаётган йигитларни кўриб, уларнинг ташаббус ва матонатига балли дегингиз келади.
«Сурхон» давлат қўриқхонаси ходими Искандар Эшалиев фикрича, айни кунларда тоғли ҳудудда ҳарорат -5 даража совуқни ташкил қилаётган экан. Бундай пайтда ҳайвон ва қушларнинг қор остидан емиш излаб топиши жуда қийин кечади. Шу боис уларга ғамхўрлик қилинсагина ноёб турларнинг кўпайишига замин яратилади.
Қўриқхона мутахассислари фотоқопқонларга морхўр, тоғ эчкиси, силовсин, ёввойи тўнғиз, кийик каби ёввойи ҳайвонларнинг тушиш ҳолатлари кўпаяётганини таъкидлашмоқда.
Бу каби намунали ишлар Бухоро вилоятида ҳам амалга оширилаётгани таҳсинга муносиб. Бироқ табиат ва экологияга масъул айрим муассаса ва ташкилотлар фақат тадбирбозлик билан машғул бўлаётган бир паллада уларга хитобан: сурхондарёлик ва бухоролик ҳамкасбларингиздан ибрат олсангиз бўларди, дегимиз келади.
Пўлат ЭРМАТОВ
Янги навлар изланиш ва тадқиқотларга муҳтож
🕔15:18, 10.05.2024
✔11
Ҳар бир ҳудуднинг ўзига яраша иқлими, табиий шароити мавжуд. Ана шунга мувофиқ ўсимлик ва ҳайвонот дунёси шаклланади. Бироқ иқлим шароитини баҳона қилиб, лоқайдликка берилиб бўлмаслигини ота-боболаримиз жуда қадим замонлардаёқ чуқур англаб етганлар.
Батафсил
Кўчатлар экилди, уларнинг кейинги тақдири-чи?..
🕔15:17, 10.05.2024
✔15
«Яшил макон» умуммиллий лойиҳасининг баҳорги экиш мавсуми ҳам ўз ниҳоясига етмоқда. Кунда-кунора фалон жойга фалонта кўчат қадалди қабилидаги хабарларни кўравериб, дарахт экиш жадаллик билан олиб борилганига шубҳамиз қолмади.
Батафсил
Бугун қадалган ниҳол эртага атрофга саломатлик бахш этади
🕔15:11, 10.05.2024
✔12
«Минтақанинг экотизимига ғамхўрлик қилиш» – мазкур корхона ишлаб чиқариш дастурининг асосий тамойилларидан бири. Зотан табиий ресурслардан оқилона фойдаланиш ва қулай экологик вазиятни сақлаш учун жамият олдидаги масъулиятидан оғишмай келаётган бу жамоанинг атроф-муҳит муҳофазасига қаратилган хайрли ишлари бисёр.
Батафсил