Самарқанд вилояти Экология бошқармаси Каттақўрғон тумани бўлими томонидан тунги рейд тадбирлари ўтказилиб, экологик ҳуқуқбузарликка қарши маъмурий жора қўрилди.

Ер ости ва ер усти табиий бойликлари ноқонуний талон-торож қилинишининг олдини олиш мақсадида олиб борилган рейд давомида туманнинг «Баландравот» МФЙ ҳудудида ҳуқуқбузарлик аниқланди. Фуқаро З. Х. «Нарпай» канали атрофидан қонунга хилоф тарзда ўз бошқарувида бўлган техника воситаси ёрдамида қора қум аралашмасини қазиб олаётгани маълум бўлди.

Ҳолат юзасидан ҳуқуқбузарга нисбатан МЖтКнинг 70-моддаси 1-қисмига биноан маъмурий баённома расмийлаштирилди. З. Х. БҲМнинг 10 баробари, яъни 3 млн. 40 минг сўм миқдорида жаримага тортилди.