Тоза ичимлик сув – Ер сайёрасида инсоният кун кўриши учун энг муҳим ва зарур манбалардан бири.
Сув тикланувчи ресурс бўлсада, дунё аҳолиси ортиб бораётгани ҳисобига сув танқислиги муаммоси пайдо бўлган ҳудудлар сони ҳам йилдан-йилга кўпаймоқда. Уйда сувдан оқилона фойдаланиш нафақат бу қимматбаҳо ресурсни тежашга, балки истеъмолчилар ҳамёнига ҳам ёрдам беради.
Маиший турмушда сувни қандай тежаш мумкинлигини билиб олинг.
Бир томчи бўлса ҳам сув оқиб турган жўмракларни, ҳожатхоналар сувбачогини, маиший техника ва майса (газон) пуркагичларни зудлик билан тузатинг.
Тишларингизни юваётганда, қўлни совунлаб олгунча албатта сувни ўчиринг. AҚШ атроф муҳитни муҳофаза қилиш агентлиги (EPA) маълумотларига кўра, бу оддий қадам бир ойда киши бошига 700 литрдан ортиқ сувни тежаш имконини беради.
Кир юваётганда сувдан камроқ фойдаланинг. Кир ювиш машинаси юзлаб литр сувни сарфлаши мумкин, шунинг учун ундан оқилона фойдаланинг. Кир ювиш машинасини ишга туширишдан аввал кирни тўлиқ юклаш учун етарлича кийимингиз борлигини аниқланг. Ювиладиган кирлар сони оз бўлса, шунга мос равишда машинадаги сув сатҳини ростланг.
Ванна-ҳаммом ўрнига иложи борича камроқ душ қабул қилинг. EPA маълумотларига кўра, агар сиз беш дақиқа ёки ундан камроқ вақт давомида душ қабул қилсангиз, 30 дан 45 литргача сув ишлатасиз. Бу рақамни 300 литр сув сарфлайдиган ванналар билан солиштиринг.
Майсазорни (газон) ақлли суғоришни машқ қилинг. Майсазорингизни куннинг энг мақбул вақтида суғориб олинг ва суғориш тизимингиз тротуарни эмас, балки майсазорни суғораётганига ишонч ҳосил қилинг.
Иложи борича сувни тежайдиган кранлар, кир ювиш машиналари, ҳожатхоналар ва идиш ювиш машиналарини сотиб олинг. Сув ва энергияни тежайдиган асбобларни сотиб олиш нафақат сувни, балки электр энергиясини ҳам тежашга ёрдам беради.
Уйда мунтазам равишда энергия аудитини ўтказинг. Профессионаллар оддий истеъмолчи сезмайдиган сув исроф бўлган жойларни аниқлаб бериши мумкин.
Янги навлар изланиш ва тадқиқотларга муҳтож
🕔15:18, 10.05.2024
✔10
Ҳар бир ҳудуднинг ўзига яраша иқлими, табиий шароити мавжуд. Ана шунга мувофиқ ўсимлик ва ҳайвонот дунёси шаклланади. Бироқ иқлим шароитини баҳона қилиб, лоқайдликка берилиб бўлмаслигини ота-боболаримиз жуда қадим замонлардаёқ чуқур англаб етганлар.
Батафсил
Кўчатлар экилди, уларнинг кейинги тақдири-чи?..
🕔15:17, 10.05.2024
✔9
«Яшил макон» умуммиллий лойиҳасининг баҳорги экиш мавсуми ҳам ўз ниҳоясига етмоқда. Кунда-кунора фалон жойга фалонта кўчат қадалди қабилидаги хабарларни кўравериб, дарахт экиш жадаллик билан олиб борилганига шубҳамиз қолмади.
Батафсил
Бугун қадалган ниҳол эртага атрофга саломатлик бахш этади
🕔15:11, 10.05.2024
✔10
«Минтақанинг экотизимига ғамхўрлик қилиш» – мазкур корхона ишлаб чиқариш дастурининг асосий тамойилларидан бири. Зотан табиий ресурслардан оқилона фойдаланиш ва қулай экологик вазиятни сақлаш учун жамият олдидаги масъулиятидан оғишмай келаётган бу жамоанинг атроф-муҳит муҳофазасига қаратилган хайрли ишлари бисёр.
Батафсил