Жума
17-Апрел 2026
Жиззах вилояти Зомин тумани «Туркман» қишлоғи гўзал табиати билан ҳар қандай кишининг эътиборини тортади.
Яна ҳам эътиборлиси — бу қишлоқда асрлар силсиласидан ўтган 37 туп тут дарахти мавжуд. Уларнинг 9 таси 500, 28 таси эса 200 ва ундан ортиқ ёшга киргани тахмин қилинади. Ушбу дарахтларни ким экканлиги тўғрисида аниқ маълумотлар йўқ. Лекин бу дарахтлар аллақачон қишлоқ аҳлининг фахрига айланган.
Ярим асрлик тарихдан сўзловчи «нуроний» дарахтлар илдиз отган ушбу заминда ўзига хос семинар ташкил этилди. Унда Жиззах вилояти экология ва атроф муҳит муҳофазаси бошқармаси ходимлари ҳамда Ўзбекистон Экологик партиясининг Жиззах вилояти кенгаши аъзолари ҳамкорликда қишлоқнинг энг ёши улуғ отахонлари ва маҳалла фаоллари иштирок этди.
Семинарда дастлаб 100 ёш ва ундан ошган дарахтларни хатловдан ўтказиш ва муҳофаза қилиш борасида амалга оширилаётган ишлар хусусида йиғилганларга маълумот берилди.
Давлат экология қўмитаси ташаббуси билан амалга оширилган 100 ёшдан ошган дарахтларнинг хатлови жараёнида Жиззах вилоятида 112 туп шундай ёши катта дарахтлар борлиги аниқланди.
Уларнинг 82 тупи тут, 23 тупи ёнғоқ, 4 тупи чинор, 2 тупи тол ва 1 тупи биота дарахтлари бўлиб, тегишли маҳаллий ҳокимият давлат органларининг қарори билан давлат табиат ёдгорлиги деб эълон қилинганлиги таъкидланди.
Шунингдек, семинар давомида ёши улуғ кексалар ота-боболаридан эшитган ушбу дарахтлар тарихи билан боғлиқ қадимий ҳикояларни гапириб берди ва ўз фикр-мулоҳазаларини билдирди.
Барча семинар иштирокчилари биргаликда, тадбир якунида 200 ёшдан 500 ёшгача бўлган ана шу дарахтлар яшнаб турган ҳудудга «Яшил макон» умуммиллий лойиҳаси доирасида «Туркман» қишлоғидаги ёши улуғ дарахтлар ёнидан ёш навниҳол кўчатларини ўтқазди. Қувонарлиси, «Зарбдор 40 кунлик» доирасидаги кузги кўчат экиш ҳашарида қишлоқ аҳли, айниқса, ёшлар фаол иштирок этди.
А.ҚАЮМОВ, ЎзА
Сирдарё вилояти Ховос туманида бугун табиат билан инсон ўртасидаги азалий боғлиқлик яна бир бор ўз ифодасини топмоқда. «Яшил макон» умуммиллий лойиҳаси доирасида амалга оширилаётган ишлар нафақат табиатга яшил либос кийгизмоқда, балки одамлар ҳаётига умид, хонадонларга барака олиб кирмоқда.
Батафсил
Нурота тоғ тизмаларини гумбурлатиб қўшиққа солган Эргаш Жуманбулбул ўғли Қўшработ туманининг Қўрғон қишлоғида туғилиб, вояга етган. Жўш воҳаси дея тарифланадиган бу жой кейинги йилларда янада обод бўлаётир. Эргаш Жуманбулбул ўғлининг уй-музейи янгиланган бинода ўз фаолиятини бошлади. Эргаш шоирнинг уй-музейини кўргани келувчилар сезиларли даражада ошди.
Батафсил
«Яшил макон» умуммиллий лойиҳаси доирасида юртимизнинг барча ҳудудларида миллионлаб кўчатлар экилиб, яшил майдонлар кенгаймоқда.
Батафсил
Сирдарё вилояти Ховос туманида бугун табиат билан инсон ўртасидаги азалий боғлиқлик яна бир бор ўз ифодасини топмоқда. «Яшил макон» умуммиллий лойиҳаси доирасида амалга оширилаётган ишлар нафақат табиатга яшил либос кийгизмоқда, балки одамлар ҳаётига умид, хонадонларга барака олиб кирмоқда.
Нурота тоғ тизмаларини гумбурлатиб қўшиққа солган Эргаш Жуманбулбул ўғли Қўшработ туманининг Қўрғон қишлоғида туғилиб, вояга етган. Жўш воҳаси дея тарифланадиган бу жой кейинги йилларда янада обод бўлаётир. Эргаш Жуманбулбул ўғлининг уй-музейи янгиланган бинода ўз фаолиятини бошлади. Эргаш шоирнинг уй-музейини кўргани келувчилар сезиларли даражада ошди.
«Яшил макон» умуммиллий лойиҳаси доирасида юртимизнинг барча ҳудудларида миллионлаб кўчатлар экилиб, яшил майдонлар кенгаймоқда.
Шаҳарларимиз жадал ривожланиб, янги бино ва иншоотлар кўпаяётган бир пайтда, табиат билан уйғунликни ва ҳаво мусаффолигини сақлаш эҳтиёжи ҳар қачонгидан ҳам ортиб бормоқда. Бундай шароитда бизга шунчаки манзарали кўчатлар эмас, балки шаҳарнинг нафас олишини таъминлайдиган чинакам «ўпка»лар керак.
Маълумки, дунё миқёсида энг долзарб экологик масалалардан бирига айланиб бораётган муаммо бу – чиқиндилар. Таҳлилларга кўра, сўнгги йилларда маиший ва саноат чиқиндиларининг йилдан-йилга ортаётгани ер юзидаги экологик барқарорликка салбий таъсир кўрсатмоқда.
