Якшанба
19-Апрел 2026
Заминимизда табиий ресурсларни, атроф муҳитни асрашнинг энг муҳим воситаларидан бири ўсиб келаётган ёш авлодни табиатни асрашга оид экологик билимлардан хабардор қилиш, уларга экологик тарбия бериш ҳисобланади.
Табиатга эҳтиёткорона муносабатда бўлиш, унинг бойликларидан оқилона фойдаланиш, теварак-атрофдаги муҳитни яхшилаш, унинг ифлосланишига йўл қўймаслик, табиатга нисбатан ҳурмат билан муносабатда бўлишга оид кўникма ва малака болаликданоқ ёш авлод онгига сингдирилсагина мақсадга эришиш мумкин.
Биз кўпинча болажонларга она табиатни севиш кераклиги ҳақида бот-бот гапирамизу, унинг амалий ифодаси сифатида фақатгина дарахат экиш, уларни оқлаш, кўчага чиқинди ташламаслик, сувни исроф қилмаслик, табиат манзараси акс этган расмлар чизиш каби энг оддий мисоллар билан чекланамиз. Ваҳоланки, табиатни севишни амалда кўрсатиш учун ҳаётий, жуда жўн ва энг муҳими креатив мисоллар талайгина. Айни шу мисолларни қўллаш орқали болаларда боғча ва мактаб давридаёқ экологик тарбияни шакллантириш мумкин.
Пойтахтимизнинг Юнусобод тумани мактабгача таълим бўлими тасарруфидаги 544-сон давлат мактабгача таълим ташкилотида бўлиб ўтган «Куз неъматлари» мавзусидаги кўргазма болаларда табиатга муҳаббат уйғотиш йўлида кутилмаган ечимларни тақдим этди.
Кўргазманинг асосий хусусияти шундаки, унда намойиш қилинган барча экспонат ва воситалар асосан биз кўпинча кўча-куйда аҳамият бермайдиган оддий хазонлар, қарағай меваси, хас-ҳашаклардан ва кузги неъматлар – сабзавотлардан тайёрланган.
Биринчидан, кўргазма ташландиқ маҳсулотлардан ҳам ўз ўрнида фойдаланиш мумкинлигини болажонларга ўргатса, иккинчидан оддий сабзавотлардан фантазияни ишга солиб, турли ўйинчоқлар ясаш қобилиятини кучайтиради.
Қолавеса, кўргазмада намойишга қўйилган ижодий ишларни болалар ота-оналари билан биргаликда тайёрлашгани фарзанд ва ота-она ўртасидаги жонли мулоқотни ижодий жараёнга кўчиради, мустаҳкамлайди.
Энг муҳими, шу усул орқали болажонларда она табиат ва унинг неъматлари ҳақида тафаккур кенгаяди.
Кўрик-танлов шаклида ўтказилган кўргазма якунида болажонлар турли номинациялар бўйича фахрий ёрлиқлар билан тақдирланишди. Ишончимиз комилки бундай тадбирлар ўсиб келаётган авлод онгида билим сифатида қолади ва албатта экологик тарбиянинг шаклланишида пойдевор бўлиб хизмат қилади.
Чарос ИСМОИЛОВА,
Юнусобод туман 544-сон давлат МТТ ўқитувчиси
Бугун саноат тармоқларини ривожлантиришда нафақат иқтисодий самарадорлик, балки экологик хавфсизлик меъёрларига риоя этиш ҳам устувор вазифага айланди. Экологик партия вакиллари томонидан ишлаб чиқариш корхоналарида ўтказилаётган ўрганишлар айнан шу мақсадга йўналтирилган.
Батафсил
Маҳаллаларда халқ депутатлари томонидан ўтказилаётган сайёр қабуллар аҳолининг ҳаётий муаммоларини тинглаш, уларга амалий ечим топиш ва ижтимоий адолатни таъминлашда муҳим механизмга айланди.
Батафсил
Глобал иқлим ўзгариши шароитида сув ресурсларидан, айниқса, ер ости захираларидан оқилона ва тежамкорлик билан фойдаланиш стратегик аҳамиятга эга. Бу жараёнда соҳадаги норматив ҳужжатлар ижросини таъминлаш ва тизимли мониторинг тадбирларини ўтказиш экологик барқарорликнинг асосий гаровидир.
Батафсил
Бугун саноат тармоқларини ривожлантиришда нафақат иқтисодий самарадорлик, балки экологик хавфсизлик меъёрларига риоя этиш ҳам устувор вазифага айланди. Экологик партия вакиллари томонидан ишлаб чиқариш корхоналарида ўтказилаётган ўрганишлар айнан шу мақсадга йўналтирилган.
Маҳаллаларда халқ депутатлари томонидан ўтказилаётган сайёр қабуллар аҳолининг ҳаётий муаммоларини тинглаш, уларга амалий ечим топиш ва ижтимоий адолатни таъминлашда муҳим механизмга айланди.
Глобал иқлим ўзгариши шароитида сув ресурсларидан, айниқса, ер ости захираларидан оқилона ва тежамкорлик билан фойдаланиш стратегик аҳамиятга эга. Бу жараёнда соҳадаги норматив ҳужжатлар ижросини таъминлаш ва тизимли мониторинг тадбирларини ўтказиш экологик барқарорликнинг асосий гаровидир.
Сув ресурсларини тежаш ва қайта тикланувчи энергия манбаларидан фойдаланиш глобал экология кун тартибининг ажралмас қисмига айланган.
Мамлакатимизда истиқлолимизнинг ўттиз беш йиллик тўйига муносиб тайёргарлик кўриш ва уни юксак савияда нишонлаш борасидаги хайрли ишлар экологик ташаббуслар билан уйғунлашиб кетмоқда.
