Чоршанба
24-Июн 2026
Тут дарахтининг барги ипак қуртининг ягона озиғи ҳисобланса, унинг мевалари ширин ва тўйимлилиги ҳамда шифобахшлиги билан инсон саломатлиги учун ниҳоятда бебаҳо ҳисобланади.
Тут дарахти жуда қадимий кўп йиллик ўсимлик бўлиб, тарихий манбаларга кўра, 5 минг йил илгари Хитойда тарқалган. Асрлар давомида халқ селекцияси томонидан Шотут, Балхи тут, Марварид тут ва бошқа кўплаб тут навлари яратилиб, ҳозирги пайтда ҳам ўстирилмоқда. Айни кунларда юртимиз бўйлаб давом этаётган дарахт экиш тадбирларида катта майдонларда тутзорлар ҳам барпо этилмоқда.
Наманган вилоятининг Норин туманида ҳам бир кунда 8 минг туп тут кўчати ўтқазилди. Мутахассисларнинг фикрига кўра, «Яшил макон» умуммиллий лойиҳаси доирасида барпо этилаётган бу каби тутзорлар мамлакатимизда пиллачилик саноатининг янада равнақ топишида муҳим ўрин тутади.
Норин туманида ипак қурти озуқаси учун тут кўчатлари экишни кўпайтириш ва парваришлаш масалалари юзасидан ўтказилган илмий-амалий семинарда ҳам бу борада мутахассислар томонидан аниқ маслаҳат ва тавсиялар билдирилиб, келгусида амалга оширилиши лозим бўлган вазифалар белгилаб олинди. Семинар жараёнида шу ҳудуддаги «Норинлик онахон» фермер хўжалиги далаларига 8 минг дона «Марҳамат» навли ноёб тут кўчатлари ўтқазилди.
Мутасадди идоралар вакиллари, кенг жамоатчилик ҳамда тажрибали агрономлар иштирок этган тадбир давомида экилган тут кўчатлари Норин тумани Давлат экология бўлими инспекторлари томонидан электрон платформага киритилиб, уларнинг парвариши фермер хўжалиги раҳбарига бириктирилди.
Маълумот ўрнида айтиш жоизки, «НоринАгропилла» МЧЖга қарашли кўчатхонада бир миллиондан ортиқ кўчат захираси яратилган бўлиб, бу кўчатлар босқичма-босқич белгиланган ҳудудларга агротехник қоидалар асосида экилиши режалаштирилган.
Тут дарахти нафақат пиллачиликда фойда беради, ёзнинг жазирамасида яхши сояси бор. Қолаверса, ундан кўплаб ҳунармандчилик буюмлари ишлаб чиқариш ҳам мумкин. Шунинг учун ҳам тутзорларнинг кўпайиши юртимиз учун, халқимиз учун фақат фойда бўлади.
Наманган вилоят экология бошқармаси
матбуот хизмати
Болалар касал бўлиб қолса, аксарият ота-оналар сабабни вируслардан, овқатланишдан ёки иммунитетдан излайди. Аммо шундай омиллар борки, улар ҳар куни фарзандларимиз билан бирга нафас олади, улар ичадиган сувга, истеъмол қиладиган озиқ-овқатга ва ҳатто руҳиятига таъсир кўрсатади. Бу – экологик муҳит.
Батафсил
Тоғнинг тик қояси бағридаги уяда бургут палапони дунёни юқоридан кузатиб турибди. Борлиқ жуда кўркам. Охири уфққа туташиб кетган денгиз. Тўлқинлар узра ўйноқлаб учган қушлар. Эҳ-ҳе, ҳавасинг келади!
Батафсил
Тасаввур қилинг: тонг отмоқда, қуёш нурлари юртимизнинг бепоён кенгликларини ёритмоқда. Сиз фарзандингиз билан маҳалла четидаги ариқ бўйига сайрга чиқдингиз. Лекин кўзингиз тиниқ сувга эмас, балки ариқ ичига ташланган турли чиқиндилар, қурилиш материаллари бўлаклари, шамолда учаётган полиэтилен пакетларга тушади.
Батафсил
Болалар касал бўлиб қолса, аксарият ота-оналар сабабни вируслардан, овқатланишдан ёки иммунитетдан излайди. Аммо шундай омиллар борки, улар ҳар куни фарзандларимиз билан бирга нафас олади, улар ичадиган сувга, истеъмол қиладиган озиқ-овқатга ва ҳатто руҳиятига таъсир кўрсатади. Бу – экологик муҳит.
Тоғнинг тик қояси бағридаги уяда бургут палапони дунёни юқоридан кузатиб турибди. Борлиқ жуда кўркам. Охири уфққа туташиб кетган денгиз. Тўлқинлар узра ўйноқлаб учган қушлар. Эҳ-ҳе, ҳавасинг келади!
Тасаввур қилинг: тонг отмоқда, қуёш нурлари юртимизнинг бепоён кенгликларини ёритмоқда. Сиз фарзандингиз билан маҳалла четидаги ариқ бўйига сайрга чиқдингиз. Лекин кўзингиз тиниқ сувга эмас, балки ариқ ичига ташланган турли чиқиндилар, қурилиш материаллари бўлаклари, шамолда учаётган полиэтилен пакетларга тушади.
Бугунги кунда Ўзбекистон боғдорчилигида «функционал озиқ-овқат» яратиш даври бошланди. Энди боғбонларимиз меванинг йириклиги билан бир қаторда унинг таркибидаги инсон саломатлиги учун фойдали моддалар миқдорини ошириш устида ҳам изланиш олиб бормоқдалар.
Бугун ҳудудларда экологик барқарорликни таъминлаш, аҳолининг яшаш шароитларини яхшилаш ҳамда санитария ва ободонлаштириш ишларини тизимли ташкил этиш давлат сиёсатининг муҳим йўналишларидан бири бўлиб қолмоқда.
