Баҳорги кўчат экиш мавсуми жуда қисқа бўлганлиги туфайли кузда экилган кўчатларни доим суғориш талаб этилмайди.

Бир марта суғорилса, ҳавонинг салқинлиги ва ёғингарчиликлар кўчат учун керакли намликни таъминлайди.

Кўчатлар кузда экилганда баҳоргача илдиз отиши учун имконият бўлади ва баҳорда ҳароратнинг кўтарилиши натижасида тезроқ униб ўсади. Октябрь ойининг охири ва ноябрь ойи бошларида кўчатларни экиш самарали натижа беради.

Эътиборли жиҳати шуки, мамлакатимизнинг турли иқлим шароитларини ҳисобга олиб, кўчат экиш ишларида тақвимга қараб эмас, об-ҳавога эътибор қаратган маъқул. Экиш ёки кўчатларни кўчириб ўтқазишдаги энг яхши вақт бу дарахтларнинг биологик уйқу даври ҳисобланади. Чунки кўчат илдизининг ўсиши тупроқ ҳарорати 4 даражага тушгунга қадар давом этади.

Тўйчи УЗОҚОВ,

Фориш тумани ўрмон ва ов хўжалиги бўлими бошлиғи