Дарахт экиладиган чуқурчани олдиндан ковламанг, имкони борича бу чуқурчалар дарахт экилаётган вақтда ковланиши мақсадга мувофиқ.

Дарахт экиш тадбири кун қуруқ бўлган кунга режалаштирилгани маъқул. Агар тупроқ музлаган ёки ортиқча нам бўлса кўчат экманг.

Янги экилган дарахтлар бутун ҳаёти давомида ёки ўзини тутиб олгунча қозиққа боғланиши шарт. Қозиқлар одатда ёғоч, метал ёки бетондан тайёрланади, лекин шошаётган бўлсангиз вақтинчалик қозиқ сифатида бамбукдан ҳам фойдаланиш мумкин.

Дарахт экиладиган чуқурчага гўнг, компост ёки ўғит солиб дарахт экманг (бундай тадбир истисно сифатида фақатгина жуда заиф тупроқлардагина амалга оширилиши мумкин).

Экилган дарахтни дарҳол бир челак сув билан суғоринг ёки кўп миқдорда дарахт экилган бўлса боғни яхшилаб суғоринг.

Имкон борича янги экилган дарахтлар асоси атрофига мулча тўшанг.

Агар дарахт экилган ҳудудда қуён, уй ҳайвонлари ёки бошқа ёввойи ҳайвонлар бўлса дарахтларни ҳимояланг – акс ҳолда ҳайвонлар янги ниҳолларни нобуд қилади.

Экиш учун мўлжалланган дарахт кўчатларини бино ичида сақламанг. Агар об-ҳаво жуда совуқ бўлса иситилмайдиган гараж ёки омборда сақлаган маъқул.

Манба: mevazor.uz