Навоийлик талабаларнинг ободликка қўшган ҳиссаси
Кўчалар озодалиги, ариқлар тозалиги, дарахтлар соясидаги саранжом-саришта йўлаклар... Буларнинг барчаси маҳаллага ўзгача файз бағишлайди.
БатафсилЎрмон хўжалиги фондига киритилмаган, аҳоли яшаш жойлари, ҳовлиларида ўсиб турган кўп йиллик дарахтлар мавжуд. Улардан айримларининг ёши ҳатто юздан ошади. Бундай дарахтлар ота-боболардан қолган мерос сифатида асраб авайланади албатта. Бироқ қаровсиз қолган, эътиборга муҳтож бўлиб турган «нуроний» дарахтлар ҳам йўқ эмас.
Ўзбекистон Экологик партияси Навоий вилоят кенгаши ходимлари ана шундай бир асрлик дарахтлар муҳофазасини ўз зиммасига олмоқда. Ҳудудларда мавжуд кўп йиллик дарахтларни аниқлаб, уларнинг атрофини тозалаб, ҳимоясини таъминламоқда.
Ҳозиргача Навбаҳор тумани «Ғужбоғтепа» маҳалла фуқаролар йиғини Сўғдиёна кўчасидаги бир неча асрлик тут ҳамда Адолат кўчасидаги кўп йиллик чинор Экопартия ҳимоясига олинди.
– Қайнотам раҳматли бу тутни отасининг отаси экканини айтар эди, – дейди маҳаллада яшовчи фуқаролардан бири. – Қайнотамнинг ўзи ҳаёт бўлганида ҳозир 98 ёшга кирарди, бу эса дарахтнинг 100 ёшдан ошганини билдиради. Биз уни ҳеч қачон кесиш ҳақида ўйламаганмиз, аксинча атрофини тозалаб, чиройли шакл бериб келганмиз. Тутнинг мевасидан узоқ йиллардан бери болалар истеъмол қилади, ёши катталар эса соясидан баҳра олгани келади. Бу кекса дарахт маҳалламизнинг бир қисмига айланиб қолган.
Экопартия ходимлари дарахтни ҳимояга олибгина қолмай, мутахассисларни жалб этиб мунтазам равишда унинг ўсиши, ривожланиши, ҳолати қандай эканини кузатиб боришади. Маҳаллий аҳоли вакиллари бу борада уларга кўмакдош бўлишмоқда.
Шунингдек, Навбаҳор тумани «Юқори Бешработ» маҳалла фуқаролар йиғини Ойдинкўл кўчаси «Дўстмурод ота» қабристони олдидаги бир неча асрлик тут дарахти ҳам оқланди. Атрофи чиқиндилардан тозаланди ва Ўзбекистон Экологик партияси муҳофазасига олинди. Маҳалла раисининг сўзларига кўра, тут анча қадимий бўлиб, унинг тарихини ҳеч ким билмайди. Маҳалланинг ёши улуғ кишилари айтишича, шу тепаликда бундан бошқа яна беш-олтита катта дарахтлар ҳам бўлган, аммо қаровсизликдан қуриб қолган экан.
Ҳа, дарахтлар ана шундай муҳофазага олинса, кун келиб бизда ҳам минг йиллик дарахтлар сони ортади. Бу ўз навбатида ёшлар қалбида ўсимлик ва дарахтларни асраш туйғусини шакллантиришга хизмат қилса ажаб эмас.
Ўзбекистон Экологик партияси
Навоий вилоят кенгаши
матбуот хизмати
Ўхшаш мақолалар
Ноёб кўршапалак тури топилди
Олимлар Ўзбекистон табиатида яна бир ноёб жонивор мавжудлигини тасдиқлади. Узоқ йиллар давомида деярли учрамаган, ҳатто тирик ҳолда кузатиш имконияти жуда чекланган туркман узунқулоғи номли кўршапалак илк бор мамлакатимиз ҳудудида аниқланди.
Батафсил
Йўллар – ёввойи табиатга дахл қилмасин
Йўллар шаҳар ва қишлоқларни, одамлар ва бозорларни, ишлаб чиқарувчи ва истеъмолчиларни бир-бирига боғлайди. Улар масофаларни яқинлаштириб, тараққиётга хизмат қилади.
Батафсил
Кўп ўқилганлар
-
Навоийлик талабаларнинг ободликка қўшган ҳиссаси
Кўчалар озодалиги, ариқлар тозалиги, дарахтлар соясидаги саранжом-саришта йўлаклар... Буларнинг барчаси маҳаллага ўзгача файз бағишлайди.
-
Ноёб кўршапалак тури топилди
Олимлар Ўзбекистон табиатида яна бир ноёб жонивор мавжудлигини тасдиқлади. Узоқ йиллар давомида деярли учрамаган, ҳатто тирик ҳолда кузатиш имконияти жуда чекланган туркман узунқулоғи номли кўршапалак илк бор мамлакатимиз ҳудудида аниқланди.
-
Йўллар – ёввойи табиатга дахл қилмасин
Йўллар шаҳар ва қишлоқларни, одамлар ва бозорларни, ишлаб чиқарувчи ва истеъмолчиларни бир-бирига боғлайди. Улар масофаларни яқинлаштириб, тараққиётга хизмат қилади.
-
Салар каналида сувнинг ифлосланиши сабаби нима?
Сув – табиатнинг энг муҳим бойликларидан бири. Инсон ҳаёти ҳам, ўсимлик ва ҳайвонот дунёси ҳам бевосита унга боғлиқ.
-
Экологик «парковка»: яшилликни асраб, қулайлик яратиш имкони
Автомобиль бугунги ҳаётимизнинг ажралмас қисми. Аммо автомобиль сони кўпайгани сари уларни қаерга ва қандай жойлаштириш масаласи ҳам тобора мураккаблашмоқда.