Керакли масаллиқлар: мол гўшти – 200 гр., гречка – 0,5 кг., картошка – 2 дона, помидор – 3-4 дона, пиёз – 2 дона, қизил сабзи – 1 дона, булғор қалампири – 2 хил 1 донадан, саримсоқ – 6-7 бўлакча, сельдр кўкати

Тайёрланиши: Гўшт ўртача катталикда бўлакларга бўлинади. Пиёз паррак қилиб, картошка кубик шаклда, булғор қалампири, сабзи, саримсоқ, сельдр эса ундан кичикроқ қилиб тўғралади. Помидорни қирғичдан ўтказиб олиш керак.

Қизиб турган қозондаги ёққа пиёз солиб, новвот ранг бўлгунича қовурилади. Сўнг гўшт солинади. Бироз қовурилгач, помидор солинади. Яна бироздан сўнг картошка, сабзи, булғор қалампири, саримсоқпиёз ва кўкат кетма-кет солиниб, қовурилади.

Тузи ростланиб, сув солинади. Сув ҳамма масаллиқларни кўмиб туриши шарт. Суви қайнаб чиққач, қозон таги олови пасайтирилади ва шу ҳолатда 30 дақиқа қайнатилади.

Тозалаб ювилган гречка қозонга солиниб, олови баландланади. Бунда, қозоннинг ҳамма томони бир хилда қайнашига эътибор беринг. Суви тортилгач, қозон қопқоғи ёпилиб, олови ош дамлагандагидек пастланиб, 10-15 дақиқа димланади.

Ёқимли иштаҳа!