Керакли масаллиқлар: 300 грамм мол гўшти қиймаси, 300 грамм товуқ гўштидан қилинган қийма, 200 грамм шампиньон, 3 ош қошиқ сметана, 150 грамм пиёз, 8-10 та бедана тухуми, 1 ош қошиқ хантал доначалари, 1 чой қошиқ ун, 1 та тухум, 3 ош қошиқ майдаланган толқон, таъбга қараб туз ва мурч, 2 ош қошиқ ўсимлик ёғи. 
 

Тайёрланиши: Тоғорачага қийма, сухари, хантал, товуқ тухуми, туз ва мурчни солиб, аралаштирамиз. Шампиньонларни паррак қилиб, пиёзни эса юпқа тўртбурчак шаклда тўғраймиз. Товага ўсимлик ёғи қуйиб, иккаласини бирга қовурамиз. Ун соламиз, аралаштириб, бир дақиқа давомида қовурамиз. Сўнг сметанани солиб, яна бир дақиқа аралаштириб туриб, қовурамиз. Газдан олиб, Қиймани тенг саккизга бўламиз. Уларга котлетсимон шакл бериб, устини бироз чуқурроқ қилиб оламиз. Шаклини уяга ўхшатиб, патнисга терамиз.
Қиймаларни 180 даражада қизиган печда 25-30 дақиқа давомида пишириб оламиз. Устидан бир ош қошиқдан қўзиқоринли аралашмадан солиб чиқамиз. Ўртасига эса биттадан бедана тухумини чақиб соламиз. Яна печга қўйиб, 5-7 дақиқа давомида пишириб оламиз.
Ёқимли иштаҳа!