Ҳаттоки пазандачиликдан хабарингиз бўлмаса ҳам мазали десерт – олма солинган ванилли шарлоткани бемалол тайёрлай оласиз.
 

Масаллиқлар: 200 грамм ун, 2 чой қошиқ лимон цедраси, 500-600 грамм олма, 4 та тухум, 200 грамм маргарин, 10 грамм ванил шакари, 200 грамм шакар, 1 чойқошиқ қабартма (разрыхлитель).
Тайёрланиши: Юмшаган маргаринни миксер ёрдамида шакар, ванил шакари ва лимон цедраси билан аралаштирамиз. Кўпиртиришни тўхтатмаган ҳолда биттадан хона ҳароратидаги тухумларни чақамиз. Унни қабартма билан аралаштириб, оз-оздан тухум ва маргаринли аралашмага солиб аралаштирамиз. 24-26 см.ли диаметрга эга қолипни ёғлаб, ичига хамиримизни соламиз ва устини текислаймиз. Олмаларни ювиб пўстини артамиз ва бўлакларга бўлиб, хамир устига териб чиқамиз. 175 даражада қиздирилган газ печига 50-60 дақиқага юборамиз. Тайёрлигини 40 дақиқадан сўнг тахта таёқча ёрдамида текширишингиз мумкин. Ёқимли иштаҳа!