Аҳоли даромадларини ошириш, кичик бизнесни ривожлантириш мақсадида республикамизда кейинги йилдан солиқ тизимида катта енгилликлар берилиши кутилмоқда. Бу ўзгаришлардан ойлик маош миқдори, даромад ошадими? Тадбиркорнинг-чи?

Демак, 2019 йилнинг  1 январидан:

Жисмоний шахсларнинг даромад солиғи миқдори энг юқори ставкаси 22 фоиздан 12 фоизгача туширилади; 

Жисмоний шахслар учун ягона ижтимоий тўлов  25 фоиздан 15 фоизгача пасайтирилади;

Фуқароларнинг 8 фоизли суғурта бадали бекор қилинади.

Бунинг натижасида аҳоли даромадлари 6,5 фоизга ошади.

Юридик шахслар мол-мулк солиғи 5 фоиздан 2 фоизгача камайтирилади;

Юридик шахслар фойда солиғи 14 фоиздан 12 фоизгача пасайтирилади; 

Кичик бизнес субъектлари ягона солиғи 5 фоиздан 4 фоизгача қисқартирилади;

Тушумдан олинадиган мажбурий ажратмалар тўлиқ бекор қилинади. Бунинг натижасида корхоналарда қўшимча 5,2 триллион сўм даромад қолади;

Умуман олганда, мавжуд 19 та солиқ ва мажбурий тўлов тури 15 тагача камайтирилади.