Зарур масаллиқлар: (4 киши учун) 300 грамм кукси уграси, 300 грамм гўшт, 200 грамм карам, бир дона пиёз, 2 дона тухум, 6 ошқошиқ соя қайласи, 1 ошқошиқ сирка, 2 ошқошиқ салат ёғи, 2 бўлак саримсоқ,  кашнич, 2 дона бодринг.

​​​​​​​

Тайёрланиши:

1. Угра сувга солиб ивитиб қўйилади.

2. Пиёз ва гўштни майда тўғраб, салат ёғида аввал пиёз, устидан гўшт солиб қовурилади. Карамни ҳам майда тўғраб гўшт устига солинади ва туз, мурч қўшиб аралаштирилади. Оловни паст қилиб, ўн беш дақиқа димланади. Сўнг совуши учун олиб қўйилади.

3. Идишга тухум чақилиб аралаштирилади ва товага солиб икки томони пишириб олинади. Сўнг рулет каби ўраб, бир сантиметр қалинликда тўғралади.

4. Бодринг сомонча шаклида тўғралади. Саримсоқни хоҳишга қараб, пишириб ёки хомлигича қўшиш мумкин.

4. Идишга бир литр сув солиб, унга 2 ошқошиқ соя қайласи, бир ошқошиқ сирка, шакар ва туз солиб аралаштирилади. Кетидан кашнич қўшилади.

5. Косага аввал угра солинади. Устидан тайёрланган кукси суви қуйилади. Унинг устидан масаллиқлар териб чиқилади.