Жисмоний тарбия ва спортни ривожлантириш жамғармасига йиғимларни ҳисоблаб чиқиш ва тўлаш тартиби тўғрисидаги Низом Адлия вазирлигида давлат рўйхатидан ўтказилди.

Ҳужжатга кўра, эндиликда пиво, ароқ ва тамаки маҳсулотларини ишлаб чиқарувчи юридик шахслар 2018 йил 1 июндан Жисмоний тарбия ва спортни ривожлантириш жамғармасига:

1 дал сотилган пиво ҳажмидан — 2000 сўм,

1 дал сотилган ароқ ҳажмидан — 5000 сўм,

1 минг дона сотилган сигаретадан — 1000 сўм тўлаб борадилар.

Ушбу тўловлар ҳар ой якунлари бўйича ҳисобот ойидан кейинги ойнинг 10 санасига қадар тўланиши тартиби жорий этилди.

Шунингдек, ушбу йиғимлар фойда солиғи солиқ солинадиган базани аниқлашда қонун ҳужжатларида белгиланган тартибда чегирилади.

Маълумот учун: 1 дал — 1 декалитр, яъни 10 литрга тенг.

Адлия вазирлигининг «Ҳуқуқий ахборот» канали.