Энди Ўзбекистон Республикаси фуқаролари биометрик паспорт ва фуқаролиги бўлмаган шахслар ҳаракатланиш ҳужжатини олиш учун электрон навбатга туриш мумкин.

Бундай имконият Давлат персоналлаштириш маркази сайтининг янги версиясида яратилган. «Norma»да берилган йўриқномага кўра, сервисдан фойдаланиш учун сайтнинг «Интерактив хизматлар» бўлимига кириш керак. Мурожаатга бир иш куни давомида ишлов берилади ва аризачига SMS-хабар воситасида брон қилинган навбат санаси ва вақти ҳақида ахборот келади. 

 Шу ернинг ўзида биометрик паспорт олиш учун зарур бўлган ариза-анкета бланкасини тўлдириб, қоғозга чиқариш ёки тўлдирилмаган бланкани босиб чиқариш мумкин.

Махсус функция давлат божини тўлаш учун квитанцияни генерациялаш ва уни иш куни давомида қоғозга чиқариш  имконини беради.

Давлат божини Click тизими орқали тўлаш мумкин.

Илгари ушбу тартиб-таомиллардан ўтиш учун анча вақт сафрланарди.