Пайшанба
23-Октябр 2025
Қишлоқ хўжалиги илмини пухта эгаллаган фермер Нусрат Сайидов Пешкў туманининг буюк табиб Абу Али ибн Сино таваллуд топган Афшона қишлоғида истиқомат қилади. У Украина, Туркия, Исроил каби мамлакатларда лимончилик бўйича тажриба орттириб келган. Фермер хўжалиги негизида лимончилик мактаби ташкил этган.
— Лимончиликка қизиқишим йигирма йил олдин бошланган, — дейди «Пешкў лимончилик равнақи» фермер хўжалиги раҳбари Нусрат САЙИДОВ. — Бозордан бир туп лимон кўчати келтириб, уйда ўстиргандим. Мана, бугун минг тупдан ортиқ «Мейер» навли лимон кўчати етиштиряпмиз.
Парваришлашда асосан, калий, азот ва фосфор ўғитларидан фойдаланамиз. Айни дамда лимонлар гуллай бошлади. Касалликларга қарши курашяпмиз ҳам. Лимондан ташқари, йигирма беш йилдан буён помидор ва бодринг ҳам етиштираман.
Лимон меваси анча чидамли, харидоргир ва экспортбоп. Ноябрь ойида узилган лимонларни уй шароитида март, ҳатто, апрель ойининг бошларига қадар сақлаш мумкин. Иссиқхонамиздаги ҳар 100 туп лимон билан бирга 2 та апельсин ва 2 та мандарин ҳам экканмиз. Лимонга қардош бўлган бу цитрус мевалар унинг ранги ва таъмига ижобий таъсир кўрсатади. Чангланиш даврида ҳам фойдали.
Исроилда бўлганимда уларнинг лимонлари сувсизроқ эканини кўрдим. Бизнинг тупроқда етиштирилган лимонлар-чи? Серсув ва мазали. Ҳар тупдан 60-70, айрим ҳолларда 80-90 килограммгача мева териб олиш мумкин.
2017 йилда вилоятимизнинг турли туманларидан 600 дан ортиқ томорқа эгалари лимончилик мактабимизда ўз тажрибасини оширди. Ушбу ўқувдан мақсад лимон етиштириш истагида бўлган ҳар бир кишига маълумот ва тавсиялар бериш, ҳар бир хонадонда тадбиркорликни йўлга қўйиш.
Икки йилдан буён лимон кўчати етиштириш билан ҳам шуғулланаман. Ўтган йилда 3 минг тупдан кўпроқ лимон кўчати сотдик. Ҳозирда 20 минг тупдан ортиқ кўчатлар бор. Биз етиштирган кўчатлар кимнингдир хонадонига даромад келтирса, бундан жуда хурсанд бўламан. Ўқувдан сўнг кўпчилик лимон кўчати олиб кетади, қўнғироқ қилиб тавсиялар сўрайди.
— Лимон етиштиришда, аввало, экиладиган кўчатнинг сиз яшайдиган ҳудудга мослаштирилганига эътибор қаратинг. Намлик юқори бўлган ҳудудларда етиштирилган лимон кўчати бизнинг ҳудудда, яъни намлик нисбатан кам ерда ўсиб кетиши қийин. Соддароқ айтсак, Фарғонада етиштирилган лимон кўчати Бухоро ёки Навоий ҳудудида ўсиб кетиши мушкул. Навоий, Бухоро, Қашқадарё, Сурхондарё ва Хоразм ҳудудларининг иқлими бир-бирига яқинроқ, шунинг учун бу ҳудудларда лимончиликни йўлга қўймоқчи бўлганларга айнан, шу ҳудудда етиштирилган кўчатлардан экишни тавсия этаман. Экиш олдидан, албатта, соҳа мутахассислари билан маслаҳатлашиш керак.
Хонада лимон етиштирмоқчи бўлганлар эса кўчат учун ёғоч ёки сопол тувак танлаганлари маъқул. Пластик челакларга асло лимон кўчати экманг. Кўчат илдизи чириши ва кўкармаслиги мумкин.
Сўнгги ўн йилликларда озиқ-овқат биологияси ва диетология соҳаларида микрокўкатларга бўлган қизиқиш кескин ортди. Бу ёш ниҳоллар ташқи кўринишда оддий кўкатларга ўхшаш бўлса-да, озиқавий таркиби ва биологик хусусиятлари жиҳатидан улардан сезиларли даражада фарқ қилади.
Батафсил
Бугунги кунда мамлакатимизда яратилаётган қулай инвестициавий муҳит туфайли турли йирик лойиҳалар, жумладан, қишлоқ хўжалиги, экология, ичимлик сув таъминоти ҳамда замонавий турар жой қурилиши йўналишида кенг кўламли ишларга гувоҳ бўляпмиз.
Батафсил
«Агробанк» акциядорлик тижорат банки томонидан Президентимизнинг 2025 йил 6 мартдаги «Маҳаллаларда томорқалардан самарали фойдаланишни ташкил этиш орқали аҳоли бандлиги ва даромадларини оширишга қаратилган ишларни янада жадаллаштириш тўғрисида»ги фармойиши ижросини таъминлашга алоҳида эътибор қаратилмоқда.
Батафсил
Сўнгги ўн йилликларда озиқ-овқат биологияси ва диетология соҳаларида микрокўкатларга бўлган қизиқиш кескин ортди. Бу ёш ниҳоллар ташқи кўринишда оддий кўкатларга ўхшаш бўлса-да, озиқавий таркиби ва биологик хусусиятлари жиҳатидан улардан сезиларли даражада фарқ қилади.
Бугунги кунда мамлакатимизда яратилаётган қулай инвестициавий муҳит туфайли турли йирик лойиҳалар, жумладан, қишлоқ хўжалиги, экология, ичимлик сув таъминоти ҳамда замонавий турар жой қурилиши йўналишида кенг кўламли ишларга гувоҳ бўляпмиз.
«Агробанк» акциядорлик тижорат банки томонидан Президентимизнинг 2025 йил 6 мартдаги «Маҳаллаларда томорқалардан самарали фойдаланишни ташкил этиш орқали аҳоли бандлиги ва даромадларини оширишга қаратилган ишларни янада жадаллаштириш тўғрисида»ги фармойиши ижросини таъминлашга алоҳида эътибор қаратилмоқда.
Навоий вилоятида турли миллат вакиллари бирдам ва иноқликда яшаб келишади. Улар жамиятнинг турли соҳаларида эл-юрт учун муносиб хизмат қилишаётгани, албатта эътирофга муносиб.
Маиший ва саноат чиқиндиларини безарар утилизация қилиш бугунги кундаги энг долзарб экологик муаммолардан бирига айланиб қолмоқда. Бир қанча ривожланган давлатларда бу масалага муаммо сифатида эмас, ишлаб чиқариш учун иккиламчи хомашё манбаи деб қаралаётгани ҳеч кимга сир эмас.
