Шанба
18-Апрел 2026
Ҳеч эътибор қилганмисиз, ўзингиз ёки фарзандингиз бир йил давомида ўртача неча жуфт пойабзал кийиб тўзғитасиз? Албатта, ҳозир ҳамёнбоп пойабзал бир мавсумга ё етади ёки етмайди.
Чунки уларнинг кўпи ишлаб чиқарувчиси ҳам номаълум бўлган «усти ялтироқ, ичи қалтироқ» пойабзаллар. Аммо сўнгги пайтда ўзимизда ишлаб чиқарилганига талаб ортмоқда.
— Бугун бозорларимизда кўпчилик ўзимизда ишлаб чиқарилаётган, сифати хорижникидан қолишмайдиган оёқ кийимини афзал кўрмоқда, — дейди «Ўзбекчармпойабзали» уюшмаси бошқаруви раиси маслаҳатчиси Ширинбек САФАРОВ. — Мисол учун, ҳозир эркаклар пойабзалларининг тўқсон олти фоизи ўзимизнинг корхоналар томонидан ишлаб чиқарилган. Ўттиз олтита шундай корхона фаолият олиб бормоқда. Биргина 2017 йилнинг ўзида 10 минг жуфтдан зиёд пойабзал тайёрланди.
— Маҳсулотлар экспортга ҳам чиқариляптими?
— Ҳа. Асосан, Италия, Корея, Туркия, Хитой, Покистон, Ҳиндистон, МДҲ давлатлари бозорига чиқарилмоқда. Харидорларни энг аввало, пойабзалларимизнинг табиий хомашёдан экани, чидамлилиги, сифати ва арзон нархи ўзига жалб этмоқда. Биргина 2017 йилнинг ўзида 105 миллион доллардан зиёд миқдорида чарм-пойабзал маҳсулотлари экспорт қилинди.
— Оёқ кийим тайёрлаш учун асосан, қандай маҳсулотдан фойдаланилади?
— Асосан, қорамол терисидан. Пойабзалнинг ички қисмига қўй ва эчки териси ишлатилади. Бу турдаги маҳсулотлар юртимизда сероб. Аммо бизда фақат терининг ўзи бор, холос. Таглик, елим ҳамда бошқа зарур буюмлар четдан келтирилади. Ҳозирда пойабзал ишлаб чиқаришда зарур бўладиган маҳсулотларни ҳам ўзимизда тайёрлаш чоралари кўрилмоқда.
— Йил давомида аҳолидан қанча миқдорда тери йиғиб олинади ва уларнинг сифати талабга жавоб берадими?
— Аҳолидан етарли миқдорда қорамол ва қўй териси тўпланади. Ҳудудларда қўй ва қорамоллар қассоблар томонидан қўлда сўйилади. Улар эса тери сифатига деярли путур етказишмайди. Шунингдек, республикамизда 29 та автоматлаштирилган замонавий мол сўядиган шохобчалар ҳам фаолият кўрсатмоқда.
— Бозорларимизда барибир сифатсиз маҳсулотлар учраётганини қандай изоҳлайсиз?
— Масалан, Хитойдан келтирилаётган баъзи оёқ кийимлари жаҳон андозаларига умуман жавоб бермайди. Сифатсиз, таги тез кўчиб кетади, ҳаво ўтказмайди ва ҳоказо. Ҳозирда бундай сифатсиз маҳсулотларнинг бозорга кириб келмаслиги учун қатъий чоралар кўрилмоқда. Шунингдек, харидордан ҳам маҳсулот танлашда эътиборли бўлиш талаб этилади.
Фарғона вилоятида туяқуш парваришланиб, териси хорижга экспорт қилинмоқда.
Қонунчилик палатасида муҳокамага қўйилган, қонунчиликка киритиш таклиф этилаётган қўшимчалардан бири – Ўзбекистонда экстремистик ташкилотлар рўйхатини шакллантириш масаласи жуда ҳам долзарб. Жамият экстремистик ташкилотлар ҳақида билиши муҳимдир.
Батафсил
Жамият тараққиёти ва аҳоли фаровонлигини таъминлашда маҳаллий вакиллик органларининг ўрни беқиёс.
Батафсил
«Яшил макон» умуммиллий лойиҳаси нафақат табиатни асраш, балки халқимизнинг экологик маданиятини юксалтиришда муҳим омил бўлмоқда. Ушбу эзгу ташаббус доирасида Андижон вилоятида ҳам кенг кўламли кўчат экиш ишлари уюшқоқлик билан ташкил этилмоқда.
Батафсил
Қонунчилик палатасида муҳокамага қўйилган, қонунчиликка киритиш таклиф этилаётган қўшимчалардан бири – Ўзбекистонда экстремистик ташкилотлар рўйхатини шакллантириш масаласи жуда ҳам долзарб. Жамият экстремистик ташкилотлар ҳақида билиши муҳимдир.
Жамият тараққиёти ва аҳоли фаровонлигини таъминлашда маҳаллий вакиллик органларининг ўрни беқиёс.
«Яшил макон» умуммиллий лойиҳаси нафақат табиатни асраш, балки халқимизнинг экологик маданиятини юксалтиришда муҳим омил бўлмоқда. Ушбу эзгу ташаббус доирасида Андижон вилоятида ҳам кенг кўламли кўчат экиш ишлари уюшқоқлик билан ташкил этилмоқда.
Жамиятнинг маънавий қиёфаси ва тараққиёт даражаси кўп жиҳатдан аёлга бўлган муносабат ҳамда хотин-қизларнинг мамлакат ижтимоий-сиёсий ҳаётидаги иштироки билан ўлчанади.
Экологик муносабатларни тўғри йўлга қўйиш, табиий ресурсларни оқилона бошқариш ва муҳофаза этишда аҳолининг экологик маданиятини янада юксалтириш бугунги куннинг энг муҳим ва долзарб масалаларидан бири бўлиб қолмоқда. Мамлакатимизда бу борадаги ислоҳотлар янги босқичга кўтарилаётгани экология соҳасидаги сиёсий ироданинг намоён бўлаётганидан далолат беради.
