Пайшанба
11-Декабр 2025
Яқинда тўй таклифномасини бериш учун шаҳардан бир фермер дўстимни уйига излаб бордим. Аммо у далада экан. Учрашмаганимизга ҳам анча бўлганди, «Бир кўриб кетай», деб уни излаб даласига йўл олдим.
Фермерни учратиш осон бўлмади. Далама-дала кетидан қидириб (қувиб), қош қорая бошлагандагина топдим. Ўзи илгари ҳам жуда тиниб-тинчимас эди, шу одати янада кучайибди...
Бугунги қаҳрамонимиз ҳам Пайариқ туманининг кенг далаларида кузги шудгорни якунлаб, қишки тадбирларни чамалаб юрган экан. «Қишин-ёзин далага эътибор керак. Ишимиз шунақа-да! Уйда ўтирган билан бирон иш битармиди?! Дарров далани соғиниб қоламан!», дейди кулиб. Оддий деҳқон йигит бугун ишбилармон фермерга айланибди. Гаплари маънили, фикрлари тиниқ, шижоати баланд.
— Хўжалигимиз тасарруфида 40 гектар унумдор ер майдони мавжуд, — дейди «Жамолиддин барака замини» фермер хўжалиги раҳбари Салим ПАРДАЕВ. — Асосан, пахта, ғалла ва пилла етиштирамиз. Ғалладан бўшаган майдонларга такрорий экинлардан мош, сабзи, шолғом, ловия экдик. Хуллас, ҳар қарич ердан унумли ва оқилона фойдаланишга ҳаракат қиляпмиз. Ер бекор ётмаслиги керак-да!
— Қанча одам иш билан таъминланган?
— Фермер хўжалигимизда беш киши доимий иш билан таъминланган. Уларга ойига 500 минг сўм атрофида маош тўланади. Шунингдек, ўзларига сабзавот ва полиз экинлари, чорвасига ем-хашак ғамлаш учун ер майдони ҳам ажратилган. Хуллас, яхши меҳнат қилганни ер сийлайди.
— Даромад қандай бўлди?
— Бу йил даромадимиз яхши бўлди. Пахтадан 86 миллион, такрорий экинлардан 41 миллион, пилладан 4 миллион, буғдойдан 72 миллион сўм даромад олдик. Ана шу меҳнатимиз орқасидан енгил машина харид қилдик, қўша-қўша тўйлар ўтказдик, уйимизнинг ками-кўстини бутладик. Меҳнатдан қочмасангиз, ҳамма нарсага эришса бўларкан.
— Шахсий томорқа ва чорвангиз ҳам борми?
— Албатта. Уйда ўн икки бош сигир, беш-олти бош қўйимиз бор. Уларга уйдагилар қарайди. Хуллас, сут-қатиқ ва ёғ сероб. Томорқага эса рўзғорга керак бўладиган сабзавотлар экамиз.
— Келгуси режалар қандай?
— Давлатимиз томонидан фермерларга катта имкониятлар яратилмоқда. Аввало, чорвачилик фермасига асос солишни ўйлаяпман. Тўғри, бунинг учун ем-озуқа базаси яхши бўлиши керак. Бунинг иложи бор. Чорвага ем-хашакни ўзимизнинг хўжаликда бемалол етиштирса бўлади. Агар чорвачилик фермаси йўлга қўйилса, бир неча ўнлаб киши доимий иш ўрнига эга бўлиши мумкин.
Сўнгги ўн йилликларда озиқ-овқат биологияси ва диетология соҳаларида микрокўкатларга бўлган қизиқиш кескин ортди. Бу ёш ниҳоллар ташқи кўринишда оддий кўкатларга ўхшаш бўлса-да, озиқавий таркиби ва биологик хусусиятлари жиҳатидан улардан сезиларли даражада фарқ қилади.
Батафсил
Бугунги кунда мамлакатимизда яратилаётган қулай инвестициавий муҳит туфайли турли йирик лойиҳалар, жумладан, қишлоқ хўжалиги, экология, ичимлик сув таъминоти ҳамда замонавий турар жой қурилиши йўналишида кенг кўламли ишларга гувоҳ бўляпмиз.
Батафсил
«Агробанк» акциядорлик тижорат банки томонидан Президентимизнинг 2025 йил 6 мартдаги «Маҳаллаларда томорқалардан самарали фойдаланишни ташкил этиш орқали аҳоли бандлиги ва даромадларини оширишга қаратилган ишларни янада жадаллаштириш тўғрисида»ги фармойиши ижросини таъминлашга алоҳида эътибор қаратилмоқда.
Батафсил
Сўнгги ўн йилликларда озиқ-овқат биологияси ва диетология соҳаларида микрокўкатларга бўлган қизиқиш кескин ортди. Бу ёш ниҳоллар ташқи кўринишда оддий кўкатларга ўхшаш бўлса-да, озиқавий таркиби ва биологик хусусиятлари жиҳатидан улардан сезиларли даражада фарқ қилади.
Бугунги кунда мамлакатимизда яратилаётган қулай инвестициавий муҳит туфайли турли йирик лойиҳалар, жумладан, қишлоқ хўжалиги, экология, ичимлик сув таъминоти ҳамда замонавий турар жой қурилиши йўналишида кенг кўламли ишларга гувоҳ бўляпмиз.
«Агробанк» акциядорлик тижорат банки томонидан Президентимизнинг 2025 йил 6 мартдаги «Маҳаллаларда томорқалардан самарали фойдаланишни ташкил этиш орқали аҳоли бандлиги ва даромадларини оширишга қаратилган ишларни янада жадаллаштириш тўғрисида»ги фармойиши ижросини таъминлашга алоҳида эътибор қаратилмоқда.
Навоий вилоятида турли миллат вакиллари бирдам ва иноқликда яшаб келишади. Улар жамиятнинг турли соҳаларида эл-юрт учун муносиб хизмат қилишаётгани, албатта эътирофга муносиб.
Маиший ва саноат чиқиндиларини безарар утилизация қилиш бугунги кундаги энг долзарб экологик муаммолардан бирига айланиб қолмоқда. Бир қанча ривожланган давлатларда бу масалага муаммо сифатида эмас, ишлаб чиқариш учун иккиламчи хомашё манбаи деб қаралаётгани ҳеч кимга сир эмас.
