Депутатлар Жиззахдаги аҳволни ўрганишмоқда
Сиз ўзингиз сайлаган депутатлар аслида қандай фаолиятни амалга оширишларидан қанчалик хабардорсиз? Бошқача айтганда, депутатнинг асосий вазифаси нималардан иборат эканини биласизми?..
БатафсилБугун маҳалланинг жамиятдаги мавқеи янада ортаётгани борасида мулоҳазалар билдирилмоқда.
Айниқса, Президентимизнинг «Маҳалла институтини янада такомиллаштириш чора-тадбирлари тўғрисида»ги фармони маҳалла тизимида йиллар давомида ечимини кутаётган масалалар жавоби сифатида муҳим аҳамият касб этгани шу соҳада меҳнат қилаётган минглаб фидойилар учун айни муддао бўлди.
Фармонда назарда тутилган маҳалланинг жамиятдаги ўрни ва ролини янада кучайтириш, уларни халқнинг чинакам маслакдоши ва кўмакдошига айлантириш масаласи бугун долзарб бўлиб турган кўпгина муаммоларга ечим топишга имкон яратади. Айниқса, ёш авлодни мафкуравий таҳдидлардан ҳимоя қилишда, ҳуқуқбузарликларнинг барвақт олдини олишда маҳалланинг ўрни катта.
— Маҳалла институти фаолиятини такомиллаштириш орқали халқ билан мулоқот ва ҳамкорликни янада ошириш мумкин, — дейди Қибрай тумани «Янгийўл» МФЙ маслаҳатчиси Раъно ЭРГАШЕВА. — Бу фармонни йил номланиши билан ҳам боғлаш мумкин. Қачонки, биз инсонлар дардини эшитсак, ҳар бир оилага кириб бора олсак, уларни қийнаётган муаммоларга ҳам ечим топиш анча енгиллашади.
Ёшларга чиройли тарбия бериш, вояга етмаганлар орасида ҳуқуқбузарлик, жиноятчиликнинг олдини олишда ҳам маҳалланинг ўрни беқиёс. Таҳсил олаётган ўқувчиларнинг давоматини яхшилаш, уларнинг янада чуқурроқ билим эгаллашида «маҳалла — оила — таълим муассасаси» ҳамкорлигининг йўлга қўйилиши ҳам яхши натижаларга эришишда ёрдам беради. Фуқароларнинг ўзини ўзи бошқариш органларида жамоатчилик асосида фаолият юритадиган маҳалла фуқаролар йиғини раисининг ўринбосари — ёшлар масалалари бўйича маслаҳатчи лавозимини жорий этиш эса шу каби ишлар кўламини кенгайтиришга қаратилган эътибор демакдир.
Фуқароларнинг ўзини ўзи бошқариш органлари зиммасига юклатилаётган масъулиятли вазифаларни сидқидилдан адо этишда уларнинг меҳнат шароитини яхшилаш, моддий-техник базасини мустаҳкамлашга ҳам алоҳида эътибор қаратилмоқда. Туман ва шаҳар марказларида «Маҳалла маркази» мажмуаларининг намунавий лойиҳалар асосида барпо этилиши ҳам муҳим масалалардан бири сифатида қайд этилди. Бу ерда ташкил этиладиган маънавий-маърифий тадбирлар миллий қадриятларимизни ёшлар онгига чуқурроқ сингдиришга ёрдам беради.
Ҳудудий кенгашлар фаолиятининг йўлга қўйилиши соҳадаги барча ишларни тизимли тарзда ташкил этишга ёрдам беради. Ҳокимларнинг жамоатчилик асосида кенгашларга раислик қилиши кўплаб масалаларнинг тезроқ ечим топишига имкон яратади.
Шу билан бирга, фуқаролар ўзини ўзи бошқариш органларининг зиммасига юклатилган вазифаларнинг амалга оширилишига муносиб ҳисса қўшган ташаббускор фуқаролар ва жамоатчилик тузилмалари вакилларига тақдим этиладиган «Маҳалла ифтихори» кўкрак нишонининг таъсис этилиши қилинаётган меҳнатнинг муносиб қадрланишидан далолат.
Сиз ўзингиз сайлаган депутатлар аслида қандай фаолиятни амалга оширишларидан қанчалик хабардорсиз? Бошқача айтганда, депутатнинг асосий вазифаси нималардан иборат эканини биласизми?..
БатафсилАндижон ҳақида сўз кетганида, авваламбор, ўзбек халқининг кўп асрлик маданияти пойдевори бўлган анъналарни асраб келаётган, меҳмондўст, мард ва танти инсонлар умргузаронлик қилаётган табаррук замин кўз олдимизда намоён бўлади. Андижон Ўзбекистоннинг йирик маданият марказларидан биридир.
БатафсилБугун 8 март – Халқаро хотин-қизлар куни! Ушбу байрам билан муҳтарама онахонларимиз, қадрли опа-сингилларимиз, гўзал қизларимизни табриклаган ҳолда, мамлакатимиз қонунчилигига асосан аёлларга берилган айрим имтиёзлар билан таништириб ўтишни лозим топдик.
Батафсил