Жума
23-Октябр 2026
Сурхондарё вилоятининг Қизириқ тумани қишлоқ хўжалиги ривожланган ҳудудлардан бири ҳисобланади. Бироқ кейинги йилларда ерларнинг шўрланиши ва сизот сувларининг сатҳи кўтарилиши экологик ҳамда ижтимоий жиҳатдан жиддий муаммога айланмоқда.
Бугунги кунда туманимиздаги суғориладиган ерларнинг қарийб 60 фоизи турли даражада шўрланган. Бу ҳолат нафақат ер унумдорлиги ва ҳосилдорликнинг пасайишига, балки сув ресурсларидан фойдаланиш самарадорлигининг камайишига олиб келмоқда. Энг ташвишлиси, сизот сувларининг юқори кўтарилиши натижасида турар жойлар ва ижтимоий объектлар пойдеворининг намланиши уларнинг мустаҳкамлигига жиддий путур етказмоқда.
Экологик нуқтаи назардан, бу муаммо табиат ва инсон ўртасидаги мувозанатни издан чиқармоқда. Шўрланган тупроқда ўсимликлар яхши ривожланмайди, биологик хилма-хиллик қисқаради. Шунингдек, чанг ва туз заррачаларининг ҳавога кўтарилиши аҳоли саломатлигига ҳам хавф солади.
Мазкур муаммони ҳал этишда мавжуд коллектор дренаж тармоқларини мунтазам тозалаш, сувдан тежамкорлик билан фойдаланиш, илмий асосланган суғориш технологияларини кенг жорий этиш ҳамда мелиоратив тадбирларни изчил амалга ошириш ҳал қилувчи аҳамиятга эга. Шу билан бирга, шўрланишга чидамли экин турларини танлаш, яшил ҳимоя ҳудудларини кенгайтириш ва тупроқ ҳолатини доимий мониторинг қилиш бугунги куннинг устувор вазифаларидир.
Ўзбекистон Экологик партияси табиатни муҳофаза қилишни, ер ва сув ресурсларидан оқилона фойдаланишни ўз фаолиятининг асоси деб билади. Биз экологик муаммоларни бартараф этишда давлат ташкилотлари, олимлар, фермерлар ва кенг жамоатчилик ҳамкорлигини янада кучайтириш тарафдоримиз. Чунки ер энг катта бойлигимиз, уни асраш эса келажак авлод олдидаги бурчимиздир.
Қизириқ тумани аҳолисини, фермер ва деҳқонларимизни, ёшларимизни юксак экологик маданият билан табиатга эҳтиёткорона муносабатда бўлишга ва шўрланишга қарши курашишда фаол иштирок этишга чақираман.
Табиатни асраш келажакни асраш демакдир. Еримизни асрайлик, сувимизни қадрлайлик ва яшил муҳитни кенгайтиришга муносиб ҳисса қўшайлик. Ана шундагина фарзандларимизга унумдор ер ва мусаффо табиатни мерос қилиб қолдирамиз.
Қурбонгул ИГАМБЕРДИЕВА,
ЎЭП Қизириқ туман партия ташкилоти раиси, туман Кенгаши депутати
Бугунги кунда табиий ресурслардан оқилона фойдаланиш, сув ва тупроқни муҳофаза қилиш, ер ости сувлари ҳолатини кузатиш ҳамда геоэкологик мувозанатни сақлаш энг муҳим вазифалардан бири ҳисобланади.
Батафсил
Ўтган йилларда куз-қиш ойларида шамол сустлашиши ва ҳарорат инверсияси туфайли иссиқхоналардан чиқадиган ташламалар пойтахт ва унинг атрофида тўпланиши кузатилди.
Батафсил
«Термиз шаҳрида қум ва чанг бўронлари ҳамда ҳаво ифлосланишига нисбатан жамоалар ва соғлиқни сақлаш тизимининг барқарорлигини табиатга асосланган ечимлар орқали мустаҳкамлаш» лойиҳаси амалга оширилмоқда.
Батафсил
Бугунги кунда табиий ресурслардан оқилона фойдаланиш, сув ва тупроқни муҳофаза қилиш, ер ости сувлари ҳолатини кузатиш ҳамда геоэкологик мувозанатни сақлаш энг муҳим вазифалардан бири ҳисобланади.
Ўтган йилларда куз-қиш ойларида шамол сустлашиши ва ҳарорат инверсияси туфайли иссиқхоналардан чиқадиган ташламалар пойтахт ва унинг атрофида тўпланиши кузатилди.
«Термиз шаҳрида қум ва чанг бўронлари ҳамда ҳаво ифлосланишига нисбатан жамоалар ва соғлиқни сақлаш тизимининг барқарорлигини табиатга асосланган ечимлар орқали мустаҳкамлаш» лойиҳаси амалга оширилмоқда.
Инсон ҳаётини тоза ҳавосиз тасаввур этиб бўлмайди. Бироқ ҳавонинг мусаффолиги фақат атмосферага чиқарилаётган зарарли моддалар билан эмас, балки ер, сув ва яшил ҳудудларнинг ҳолати билан ҳам узвий боғлиқ. Халқаро миқёсда 7 сентябрь – мусаффо ҳаво куни сифатида нишонланади.
Бир пайтлар юртимиз иқтисодиёти ҳақида гап кетганда, асосан мавжуд бармоқ билан санарли йирик корхоналарни сақлаб қолиш, уларни реструктуризация ва модернизация қилиш, янги саноат лойиҳаларини жалб этиш зарурати ҳақида сўз юритиларди. Бугун эса манзара тубдан ўзгарди.
