Чоршанба
15-Апрел 2026
Олий Мажлис Қонунчилик палатаси депутати Моҳира Ходжаева ҳамда халқ депутатлари Чирчиқ шаҳар Кенгаши депутатлари иштирокида «Ўзбеккимёмаш» заводида навбатдаги депутатлик назорати тадбири ўтказилди.
Ушбу ўрганиш 2026 йилга мўлжалланган иш режасининг 42-банди ижросини таъминлаш ҳамда корхонанинг атроф-муҳитга таъсирини комплекс баҳолаш мақсадида ташкил этилди.
Завод мутахассислари билан бўлиб ўтган мулоқот давомида депутатлар ишлаб чиқариш цехларидаги технологик жараёнлар билан яқиндан танишиб, заводнинг экологик зарарини минималлаштириш борасидаги фаолиятига алоҳида эътибор қаратди. Таъкидлаш жоизки, металлургия ва кимёвий машинасозлик йўналишида ишлайдиган ушбу йирик корхонада заҳарли ташланмаларни камайтириш бўйича сезиларли ишлар амалга оширилган. Хусусан, цехлардаги печлар ва ишлаб чиқариш линияларига юқори самарадорликка эга махсус ҳаво тозалаш фильтрлари ўрнатилган бўлиб, улар атмосферага чиқариладиган қаттиқ заррачалар ва заҳарли газларни 95-98 фоизгача ушлаб қолиш имкониятига эга. Бу нафақат шаҳар экологиясини яхшилаш, балки завод ишчи-ходимлари учун хавфсиз меҳнат шароитини яратишда ҳам муҳим аҳамият касб этмоқда.
«Ўзбеккимёмаш» заводи бугунги кунда босқичма-босқич муқобил энергия манбаларига ўтмоқда. Депутатлик назорати давомида завод ҳудуди бўйлаб кенг кўламда ўрнатилган қуёш панеллари кўздан кечирилди. Бу лойиҳанинг жорий этилиши корхонага энергия мустақиллигини таъминлаш билан бирга, анъанавий энергия манбаларидан воз кечиш орқали углерод изини камайтириш имконини бермоқда. Тежалган маблағлар эса ишлаб чиқаришни янада модернизация қилишга йўналтирилмоқда.
– Бизнинг мақсадимиз ишлаб чиқариш ва табиат ўртасидаги мувозанатни сақлашдир. «Ўзбеккимёмаш» мисолида биз замонавий саноатнинг экологик масъулияти қандай бўлиши кераклигини кўрдик, – дейди Олий Мажлис Қонунчилик палатаси депутати, ЎЭП фракцияси аъзоси Моҳира Ходжаева.
Ўрганиш якунлари бўйича депутатлар томонидан ижобий хулоса берилиб, корхона раҳбариятига келгусида ҳам «Яшил макон» лойиҳаси доирасида яшил белбоғларни кенгайтириш ва сув ресурсларидан тежамкор фойдаланиш бўйича қўшимча тавсиялар берилди.
Табиат – инсониятга берилган бебаҳо неъмат. Уни асраб-авайлаш, атроф-муҳит мусаффолигини таъминлаш нафақат давлат идоралари, балки ҳар бир фуқаронинг виждоний бурчидир. Ўзбекистон Экологик партияси томонидан ташкил этилаётган экологик акциялар айнан шу мақсадга хизмат қилмоқда.
Батафсил
Кўчиб юрувчи ёввойи ҳайвон турларини сақлаш тўғрисидаги Конвенция Томонларининг 15-конференсияси (CMS COP15) якунларига кўра, биохилма-хилликни сақлаш бўйича глобал чораларни кучайтиришга қаратилган муҳим қарорлар қабул қилинди.
Батафсил
Президентимиз томонидан «Яшил макон» умуммиллий лойиҳаси доирасида илгари сурилган муҳим ташаббуслар юртимизда экологик барқарорликни таъминлаш ҳамда ҳудудларни кўкаламзорлаштириш йўлидаги изчил сиёсатнинг амалий тасдиғи бўлди.
Батафсил
Табиат – инсониятга берилган бебаҳо неъмат. Уни асраб-авайлаш, атроф-муҳит мусаффолигини таъминлаш нафақат давлат идоралари, балки ҳар бир фуқаронинг виждоний бурчидир. Ўзбекистон Экологик партияси томонидан ташкил этилаётган экологик акциялар айнан шу мақсадга хизмат қилмоқда.
Кўчиб юрувчи ёввойи ҳайвон турларини сақлаш тўғрисидаги Конвенция Томонларининг 15-конференсияси (CMS COP15) якунларига кўра, биохилма-хилликни сақлаш бўйича глобал чораларни кучайтиришга қаратилган муҳим қарорлар қабул қилинди.
Президентимиз томонидан «Яшил макон» умуммиллий лойиҳаси доирасида илгари сурилган муҳим ташаббуслар юртимизда экологик барқарорликни таъминлаш ҳамда ҳудудларни кўкаламзорлаштириш йўлидаги изчил сиёсатнинг амалий тасдиғи бўлди.
Ўзбекистон Экологик партияси Тошкент шаҳар кенгашининг 2026 йилга мўлжалланган чора-тадбирлар режасига мувофиқ, Сергели туманида жойлашган «Салар» оқава сувларни тозалаш иншоотида жамоатчилик назорати тадбири ўтказилди.
Экология ва иқлим ўзгариши миллий қўмитаси тасарруфидаги Марказий Осиё атроф-муҳит ва иқлим ўзгаришини ўрганиш университети («Green University») томонидан эҳтиёжманд оилалардаги ёшларни қўллаб-қувватлашга қаратилган амалий лойиҳа йўлга қўйилди.
